Lasak leh Laphuahsiam Cin Bawi
Minpi leh beh : Hau Za Cin Kipgen @Cin Bawi
Kham khua : Tedim/ Lailui
Tulian omna : Melbourne Australia
Suahni : 11/04/1994
Lai Pilna : Diploma Of Sound Production
Pianna Tuun leh Zua min : Pa Gin Tul Thang/ Nu Langh Deih Vung
Sanggam Laizom te min : Lia Niang Muan Kim
Ukna (Hobbies) : Tukpeng Kimawl
LST Mun : Paunak 3:5-6
GZC Q1. Lasak leh music lam na kidiah zawh asawt ta na. Lasak bang in hong uksak tualeh Ladawng/Album/Mv bangzah bawlkhin, Nong genthei ding hiam?
CB-1. Lasak leh music ka neutung pan uk. Kum14-15 kiim ka phak lai, Biakiin sung ah music kitum ging kazak ciang ka lungsim ong la mahmah haih man, acoustic guitar sin tuapan ki pan. La pen ka release sa leh release nailoh 38 kiim gelh khin. Mini Album khat nei. MV pen 9 kiim kizaih khin.
GZC Q2. Na La/Music/Note te e nang ii idea ngiat tawh nagelh vive maw, Na music/laphuah/na lasak lakpan hoih nasak pen in bangla?
CB-2: Kala teng khempeuh music arrangement, a tum hi taleh, a vocal hi a hi zong a vek in kei idea tawh ka bawl vive himah ei.
GZC Q3. Na vocal effect zat leh na la aw (harmony / Melody) te mahmah zong tuampah ngiat, hidan la bawl baih hetlo ding cileng la at la lep (music arrangment) ciang haksat na tuak gei hiam?
CB-3: Haksatna bel tam lua. Khat vei hih a na piang pahpah lo ahih man, ngai kikkik, a hoihlo teng puahpha kikkik in, a la mahmah tawh zong a kituak ding aw (vocal) zon kul ahih man baih hetlo mah hi. Ahi zong I uk na mah in ong zo veve.
GZC Q4. Zomi sung mang movie, ahi zongin minam dangte lak ah kihel pha ding leh mangla vasak pihthei, va tumpih theiding artist/musician ih neih na angtang hiam?
CB-4: I minam sung ah hidan mipil misiam te I neih khak angtang mahmah ing. Topan a maban te uh hong gual zawh pih semsem tahen.
GZC Q5. Mailam hun ah na tup le ngim in bang, Zomi te koici kalsuan leng mailam ah music sung kipum khat in ki khangto theiding?
CB-5: Mai lam ah Zomi te a ding lahoih tampi gelh zawh ding pen ka ngimna pi hi. I music tum te thapiak siam deuh leng ki khangno thei pan ding hi.
GZC Q6. Music tawh a kisailo na gennop khatpeuh hong luikhia dingin hong thuum ungh.
CB-6: Interview pawl khat ah kagen zel mah bang in, tuhun ciang minam khangto te I theihnop leh a Artists te uh en ziau leng a khantoh dan uh tampi ki theih ahih man, I artist te thapiak siam in, pah tawi ni. Tua pen I minam mahmah zong I laptoh na hipah hi. Nuamna leh dahna te ah ahi a, minam pawi ahi zong in mun khat pepeuh ah music tum thei te leh lasa thei telo in piang theilo I hih man in, music zong profession khat ahih na tawh ki zui in, I music tum te, I lasa te tha pia siam ni. Lettama (carpenter) khat in biakinn ah ahih a, I inn ah ahi zong in nasem ding in I sap ciang sum kipia buang a, music tum ten zong a hun neih khempeuh uh tawh sin ngekngek a mipi mai ah ong sepkhiat te uh mangngilh kei leng ki khangto pan ding hi. Lungdam.
GZC Tanute: Manlah, buai pipi mahtawh na hun manpha hong khenkhia teta nahih manin nang sangsang in koh lungdam zaw ung. Mailam ah na tup leh ngimna, nasinna, nasep, na kalsuanna hong lamzang toto laita in maw!
Ama lapuah leh lasakte a hoih diak te:
————————————-
Social Media Pan Follow nading:
Itunes : https://apple.co/37QOFtO | Spotify : https://spoti.fi/2SkpYQ8 |
Instagram – https://bit.ly/32y46Vv | Youtube- https://bit.ly/2JSk8Rs |
Facebook – https://bit.ly/2Y2ldv8