Theory Khualpu
Minpi : Zam Suan Khual
Beh : Ngaih Te (Vang Aw)
Khamkhua : Vang Teh
Tulian omna : Yangon, Myanmar
Suahni : 4.12.1991 Laitan : B.D.S (Dentist) 2013
Pianna Tuun le Zua: – Zen Man Cing ( Nu ) – Siapi Thang Do Langh ( Pa )
Sanggam Laizom: – U Lun – Nau Nem – Nau Mang – Nau San – Nau Hau – Nau Tung
Hobbies : Dentistry, Singing, Music Production
LST Mun : Late 13:6 (Nong hehpihna kicing ahih manin, TOPA, la kong sak ding hi)
GZC Q1. Hong dongpah saisai nung, lasak le music lam na kidiah zawh asawt ta na. Album/Mv bangzah bawlkhin, Nong genthei ding hiam?
KP- Earphone tawh a detail tak a langaih pen ka university, 2nd year kah kum 2008 in mandalay ah mp3 player popular mahmah laitak hunin mp3 tawh la ngaih ka kipan a, tua pan ki pan in la in ka lungsim nakpi tak in hong la mahmah in, hun ngah sim phial in lasak theih na ding ka vaihawm zel hi.
– 2008 kum in internet sai ah pai zel in international la minthang tuamtuam te download in la ngaih tawh ka ki diah hi.
– 2012 kum in Zomi Siamsin Kipawlna-Mandalay i’ vaihawm CD album “Hong Ciah Kik Ning” Album sung ah single dawng nih tawh na ki hel thei ing. – 2013 kum in Pasian’ hehpihna le sanggam te’ panpih na tawh B.D.S (Dentist) graduate thei in, tua khit teh nute pate’ omna kawlpi ah tawmvei tawlnga in tua zawh a sawtlo in yangon ah ‘dental clinic’ ni le thum ah na sep pai kawikawi kawm in, hun ngah bang in Solo Album “Phat In Bia In’ kipan khia thei a, 2014 kum sung mah in Myanmar, Malaysia, US mun pawl khat ah hawm khia thei ing.
– 2016 kum in “Lung Kia Ken” cih la MV tawh Doron Band tawh vik khawm thei ziahziah, u Khup Pi Doron i’ hong makaih na tawh Doron Band tawh ‘Lung Kia Ken’ la tung tawn pan ki thei to suak in, tu ciang dong la bawl ding a om ciang mi’ sang in hamphatna tampi ngah ka hih manin angtang ing. – 2017, 2018, 2019, 2020 kum sung teng ahun zui la khum ding le kei’ sum pek khat zong a bei kil kel lo ding Topa’n hong vaihawm pih toto a, ka ukna (hobby) sung ah hong kha in ka khangno hun ka ut bang in hong zeek sak i biak Topa’ tung ah lungdam ka ko hi.
– 2016 – 2020 sung DORON tawh ka bawl khop theih la min te ahih leh:- (1) Lung Kia Ken (2) Nangma’ Tel Sinthu Hi (3) Nunnop Khuado (4) Lawm It (5) Topa Zawngkhal Lo (6) Suang Manpha Sang Manpha Zaw (7) Hong Thaksuah Ta Hen hiteng ahi hi. Mailam ading Topa’n hun hoih hoih piak lai leh zom tohtoh ding zong lunggulh lai ing. MV ngaihna ding playlist : https://youtube.com/playlist?list=PLrihYRjGBroJaLEK0Bz8v9d7uTwa2HAfS
GZC Q2. Zomi sung mangla leh minam dangte i la vasak pihthei le va tumpih theiding ih neih na angtang hiam?
KP- Minam dang te’ lak ah musician leh mangla a sa/a siam ahi mipih pawlkhat mu kha zel mah ing. Zomi sungah mai lam ah tampi pi hong om semsem leh ka lunggulh ah khangthak momno te hong hanciam in nule pa te’n zong tha i piak tek ding, i panpih tek ding hoih ka sa hi.
GZC Q3. La/Music/Note nang ii idea ngiat tawh nagelh gei hiam, Na music/laphuah/na lasak lakpan hoih nasak pen in bangla?
KP- Ka la phuah pawl khat a om na sung pan’n ka khum khak sunsun ahi “Till Now – အခုချိန်ထိ” leh “My Life – ကိုယ့်ရဲ့ဘ၀” tua gel kei’ mimal in tha ngah ing hehehe.
GZC Q4. Zomi te koici kalsuan leng mailam ah music sung kipum khat in ki khangto theiding?
KP- Ih Siapi te’ dawn na za nuam zaw ing. – Hanciam ding, music quality nei ding, khat le khat ki respect ding, ki ho zel ding, ki mu zel ding etc.
GZC Q5. Music tawh a kisailo na gennop khatpeuh hong luikhia dingin hong thuum ungh.
KP- Hih hong interview GZC dan (ahkl) media tuamtuam ci ni eimi sungah hong om in, phat tuamna a ih neih takpi ding lunggulh huai sa gige ing.
