Lasiam Lian Naulak

Minpi: Ngul Min Lian ( Lian Naulak, Minmin )

Suahni : 23rd February 1991 Pianna: Imphal ( Tonzang mi )

Pianna Tuun leh Zua : -Sian Kim Changsan ( Nu ) -Lian Khan Suan Naulak ( Pa ) •Lyricist ( Den ciang cise ken laphuak pa ) •Founder/Principal Golden Harvest School, Mizoram. ( Pa Nasep ) •Graduate ( Pa lai pilna )

Khamkhua : Tonzang, Kansau.

Pianpih sanggam u leh nau : -Pasal thum le numei khat -Uzaw pasal khat le nauzaw pasal khat -Nautum in numei hi Khankhiatna Khua te : -Aizawl, Lamka, Phai leh Delhi.

Pilsinna leh Sangkahna : -Graduate ( India ) -St Paul Institute ( India ) -Blue Star Academy ( India )

Ukna ( Hobbies ) : -Lasak leh La ngaih. -Music lam tawh kisai limlim.

Laisiangtho bulphuh : •Late 118:8 √ Mi i muan sangin Topa belh ding hoihzaw hi.

Nasepna leh mapan na, kihel khakna te :

-Minam sung, Pawlpi sung, Kipawlna sung te ah hong kisapna bangin kihel zelzel.

-Minam sung, Pawlpi sung leh Kipawlna tuam tuam te ah hong kisawl nakpeuh leh niallo in hong kisawlna bang asem dingin man sa in om gige ing.

Nasep: -Tulian in bel Full time Vocal Performer dan himai ing, Hong kisapna khatpeuh ah lasa in Hotel/Cafe, Private Party/Function te ah pai koikoi ing. -Nasep leh Music kisai khawm theilo ahih manin ka nasep khawl bawl mai ing. Tualo hun paisa in bel BPO ah nasem ing, kum giat kiim ka sep zawh teh GGS Infosolution Pvt Ltd ah Night Shift Manager zaa dong nalen man ing.

Tupna leh Ngimna : -Ka tup leh ka lunggulh lianpen ahih leh Gupna kician ngah a Vantung gamlut ding. -Tua lo leitung thu ah keima mimal Music sang (Production) leh Jam Pad hong ding ka ngimna ahi hi.

Zomi nam vai na muhna leh nadeih sakna : -Tu ciangciang kei muhna panin Pasian hong Itna leh hong na makaihna hangin i minam Zomi te ki khangto mahmah ta hi, sim le mal, suah le tum i omna tek ah mihau, mipil, misiam zong kitam ta, mailam hun ah tuhun sang zong hong tamsem lai dingin Zomi khangthak ten hanciam ni. Leitungbup minam vai khatpeuh a kisai ciang “Sak leh Khang” ki cici nawn keini, makaih zaa iplah luatna te tawpsan ta ni, tavuan hong kiguan/ki piak khak keileh zong lungdam dan a siam ding, a kiniam khiat thei ding, ma abung khawm thei siausiau dingin a nungta Vanglian Pasian in i milip lungsim sungah thu hong gen henla, khat tek tung thupha hong pia ta hen, tua hihleh i minam hong cidam pan ding hi. Na la phuah zah le na lasak zah? -Avek pi gawmin dawng 30 kiim pha ta. -Kei laphuah hileh mi la hitaleh kasak tampian in azah lian gen thei lian kei mai ing.

La album na bawl zah :

-Album lian bel bawl zo nailo, hanciam laitak (Sponsored ding zong).

-Single EP dan bel dawng 4 hi.

-Ei Zola 2 leh mangla 2.

Show leh Concert te ah nakihel zah : -Competition dan Show ah khatvei, Concert/Function/Private Party dan bel ngavei tualeh Live Solo/Duo dan in Hotel/Cafe ah bel 100 kiim phata ding hi.

Gamdang na zin nasa Gamte : -Kawlgam, India, Nepal, Bangkok.

Zomi sung ah laphuak siam nasak mi3 : 1. Pauno (Lengtong) 2. Thawn Kham 3. Stephen Mang

GZC Q1. Music sung na kidiah zawh asawt ta na, Tualeh tulian in na band ah kua in music hong tumsak hiam?

LN : Sawt veve cihding hi, kum 17-18 kiim kaphak in na kipan ta ing, midang khempeuh sang kaneu lawmte leh ka sangkah pih lawmte bekin ka music uklam hong telpih zaw ding uhhi. Tulaitak ka music tum dingin Micky Fitt , Moses Lall leh Vickey hi tualo in a kisap hun in Khupboih a dangsiah bel khatpeuh alem penpen tawh laih koikoi cihdan hi.

GZC Q.2 A zenzen in gamthum Zomi kipawlna tuamtuam te pan sapna ngah lecin na kihel thei uh tam?

LN : Aw i minam (Zomi) in tuabang a ka bandte hong kisam ahih leh bel kihel theihna ding lampi ka hanciam uh hong kulve. Kei bel a kihel thei dingin man tawntung ing.