Dr Ngul Lian Khai (Rabbi Khai) D.D

Pa Ngul Khan Thang (Naulak) leh Nu Zel Zam Cing te sung pan 4.3.1939 kumin Tonzang gam Suanghoih khua ah suak hi. Pianpih laizom pasal 2 leh numei 8 pha hi. 1949 kumin Suanghoih khua ah anau Ngul Cin Khup tawh tapidaw suak masa pen hi. 10.101968 kumin Kawlpi ah lal hi. 1970 kumin Satawm veng ah Carson Baptist Church aphut masa mi (16) te sungah kihel hi.

1971 kum ciang ka inn biakpiak na in zangin Baptist Church kaphut hi. 1973 kum Phualpi tuiphum pawlpi (Baptist Church) ka inn panin kipankhia hi. 1973-1988 Silver Jubilee pahtawina laipi hong kipia hi. 1975 kum Angteng Delegate Khawmpi Sivuai Kham leh Zang laa kidemna ah phualpi Baptist Church in akhatna ngahin bawngtal khat tawh lopsak hi.

Pawlpi thak phut: 24.3.1982 ni-in Phualpi UPC pa wlpi ka inn panin kaphut leuleu hi. 20.1.1984 in Yangon khuapi pan Licence ong kipia hi. Zeisu mintawh mi 30 bang tui kaphum hi. 22.9.1988 ni-in Min Siangtho mu leuleu in, Sabbath sungah lutin mi cimawh om nading neilo te kemin nasep kaguan hi. Yahshua nasem Rabbi Khai siampi zaa hongpia hi. 12.4.1996 kumin (Yahshua Synagogue) biakna tau kalam hi. 22.10.1988 pan tuciang dong min siangtho loudspeaker tawh kuama zat ngamloh ka tangko na hangin Emmaus Theological Seminary sang panin 12.12.2009 in pahtawina Doctor of Divinity degree hongpia hi. 2007 February kha ciang Hakha Zumpi panin Mesianic Brotherhood Fellowship kumpi phalna hongpia a, Kalemyo Yahshua pawlpi ah Bawngtal 2 tawh zum kihong hi.

Masapen: (1) Dr. Rabbi Khai Suanghoih khua pan tapidaw (Baptist) suak masa pen. (2) Dim mi sungpan Yahshua Min Siangtho zui masa pen 1988 kum. (3) Dim mi sungpan Israel biakna Sabbath zui masa pen. (4) Dim mi sungpan pahtawina Doctor ngah masa pen hi (2009).