Rev. Dr. Thomas Thang Khen Mang (D.D)
Rev Kham Za Mang (Taithul) leh Nu Nuam Za Vung ten tapa (4) leh tanu (6) aneih sung pan Rev Thomas Thang Khen Mang (D.D) pen tapa tumpen hi a, 25.8.1950 kumin Bumzang khua Tedim gamah suak hi. 1967 kumin kumpi laivuan tan sagih zo hi. Amah pen galkap bu suah ding ut mahmah a, apa in Pasian nasem dingin aneu pan ap ahih manin apa deihsakna tawh 1975- 1979 kum dong Zomi Baptist Theological Seminary Falam ah Lai Siangtho sang kahin Dip.Th zo hi.
1991-1992 kum sung Far Eastern Bible College, Yangon ah B.Th degree ngah hi. 2011 kum ciangin Rev Thomas Thang Khen Mang kum (30) val Topa na asepna hangin Living Center Theological Seminary, Yangon leh Salt Lake Bible College, America te in 19.2.2011 kumin Doctor of Divinity pahtawina pia hi. Khuangli khua mi Pu Hrang Hnin leh Pi No Zing te tanu Mai Thawng Hlei Tial tawh 29.5.1979 ni-in Khuangli Baptist Biakinn pi ah Rev Tawk Lian Thio in Pasian mail eh mipi mai ah Siangtho kiteenna pia hi. (1) Rev Mang Sian Siing (B.Th, B.Sc, M.Div); (2) Vung Tawi Cing (Late); (3) Cing Sian Par (B.A); (4) Man Sian Uap; (5) Mary Cing Sian Neem (B.A); (6) Mang Sian Tung; (7) Obediah Sian Liah Tung Nung te nei uh hi.
Pasian nasepna: (1) 1979-1981 kum Falam Baptist Association in Evangelist dingin cial a, Falam kum 3 sem hi. (2) 1981- 1998 kum sung Zogam sung mun tuamtuam ah kum 17 sungsem kawikawi uh hi.(3) 1981-1983 kum sung Tamu Zo Tuiphum pawlpi ah kum 3 sung Pastor sem hi. (4) 1983-1989 kum sung Gamngai Area Baptist Church ah kum 6 sung Pastor sem hi. (5) 1989-1991 kum sung ZBA, Evangelism and Mission Director kum 2 sung sem hi.(6) 1990-1997 kum 7 sung “Seven for seven years missions (SSM) phuankhia hi.(7)1992-1994 kumsung ZBA Minister Council Secretary kun2 sungsem hi. (8)1994- 1998 kum sung Tuimiduang (TMD) sia khawk pawlpi Kan Oo ah Pastor sem hi. (9) 1998-2002 kum sung Kawlgam sungah Pasian nasep kipanin MSTM Lai Siangtho sang leh FGC pawlpi ah Dean of Students leh Assistant Pastor leh Principal leh Senior Pastor te semto hi. (10) 2002-2006 kum sung America gam sungah Pasian nasep kipan leuleu hi.(11) 2006 kum ciang Pasian in kawlgam ah ciahin la, Kawlgam ah semin ci-in sawl hi. 2006 pan tuni dong International Harvest Ministries (IHM) leh Myanmar Harvest Church (MHC) ah makai pi asep laitak hi.(12) Gam tuamtuam ah Pasian nasepna pan America gam State (25) ah, South Korea, Singapore, Malaysia, Thailand, India, Kawlgam minam kin tungah sem hi.
