Rev. Dr. Gin Khen Mang (D.D)
Rev. Gin Khen Mang (Khenpi) in Pa Cin Suan leh Nu Ngai Za Man te ta hi-a, August 6, 1954 in Tedim khua ah suak hi. March 9, 1973 ni-in a pianna Tedim khua mahah pianthakna ngah hi. August 29,1980ni-in a zi Nu Man Za Cing tawh kiteeng uh hi. 1 9 7 3 – 1977 sung Berean Baptist Bible Colege & Seminary ah Lai Siangtho sang kah in B.R.E ngah hi.
1981-1983 sung hih sang mahah Lai Siangtho sinna zomkikin B.D ngah hi. 1989-1991 kum sungin Northwest Baptist Seminary pan in D.D (Doctor of Divinity) kippia hi.February 8, 1978 Leilum khawmpi panin Pasian nasep kipana, February 28, 1981 ni-in Tedim khawmpi ah ordination kipia hi.
1978- 1981 sung TT-EBC khawksia semin, 1979-1981 kum sung TT-EBC leh KT-EBC khawksia sem khawm hi. Faith Baptist Bible College & Seminary ah Lecturer (1986-1989;1991-1993) semin, Faith Baptist Theological Seminary ah 2003 kum pan tu dong professor sem hi. 1994 kum panin Asia Biblical Theological Seminary of Cornerstone University ah Country Coordinator sem hi.
1994 kum pan tu ni kdong Yangon EBC Pawlpi ah Pastor semin, 1999 kum panin Yangon EBC Pawlpi kihawm khia Upna Laigil Editor sem hi. EBC gambup ah Associate Secretary (1980; 1984-1987) sung semin, 2003-2008 dong General Secretary sem hi. 2001-2002 leh 2009-2014 kum dong president sem hi.A zi Nu Man Za Cing tawh tapa 2 leh tanu 2 nei uh hi. 1. Tg Suan Lam Thawn B.Th, M.Th (ACA, Bangalore, India)2. Lia Mawi Than Lun B.A (Q) Air Hostess (Air Bagan Airways), 3. Lia Man Khan Vung CinHauSuanMung B.A(2ndyears)
