Sia Kam Khaw Thang pen Tuithang khua mi Pa Sim Tung Nung (Sukte) leh Nu Ciin Za Dim ta hi a,
17.10.1927 ni-in Tuithang khua Tedim myone ah suak hi.SiaThangangeklaiinanuinsihsanin,apainazi
kik Nu Zen Niang tawh kiteeng a, tapa 6 leh tanu 3 nei kik hi. 4.5.1957 ni-in Siamah Niang Khan Ciin Rev Cin Khaw Gin tanu tawh kiteeng in tapa 8 leh tanu 1 nei uh hi. A zi in 12.10.2010 in hong nusia hi.
Sangkah na:-KG pan tan 4 dong SPS Tonzang ah 1937-1941 dong kah hi. Rev Vial Nang ten om hi. – Tan 5 pen SMS Tedim ah 1941-1942 sung kah hi. Bawda ah om hi.-Tan 6 pen SMS Tedim ah 1945- 1947 sung kah in tan 6 zo hi.-Diploma of Theology Tedim Bible 1947-1950 dong kahin 22.10.1950 ni-in Letmat piakna ngei ah sangnaupang 20 in Letmat sang hi.-B.Th, MIT Insein ah 1952-1956 sung Mang Laisiangtho sang kah leuleu hi.-D.D, 15.2.2000 kumin Evangelical Bible Seminary in Doctor of Divinity pia hi.- FDCS 16.3.2003 kum in Fellow of Distinguished Christian Service, MBC, MIT pan pia hi.
Nasep na:11.6.1956 ni-in Hakha Bible School ah Sangsia sep kipan hi. 1.3.1957 ni panin TBA General Secretary sep kipan hi.1961-1982 Holy Bible (Tedim pau tawh) kum 21 sung vilvel tei hi. 1950-2005 dong kum (55) sung laibu tei leh a bawl te bu (55) pha hi.Pahtawina laipi bekbek Pawlpi tuamtuam leh kipawlna tuamtuam pan (75) kipia hi.
Tanu tapa te:(1) Pa Nung Khan Kham + Nu San San Lwin (Kawl te)(2) Pa Gin Sian Pau + Nu Man Za Lun (3) Pa Do Suan Lian + Nu Cing Hau Mang(4) Pa Thang Suan Khup + Nu Niing Ngaih Lam(5) Pa Dim Thawn Mang + Nu Niang Go Vung (6) Lia Man Zam Niang(7) Pa Taang Cin Thawn + Nu Ciin Suan Lun (8) Pa Thang Tual Khai + Nu Yu Yu Win San.
Hong nusiatna: Rev Kam Khaw Thangin 30.3.2017 in hong nusiat tak ciangin Tedim Lai Siangtho hong tei sak hang leh biakna tawh kisai laibu tuamtuam hong teisakna hangin TBA, CMBC lunggulhna bangin a luang Tedim ah kipua to a, 3.4.2017 ni in sangmang huangah 24’x24’x10′ a pha inn khat kilam sak a, tua sungah ki vui hi.