Rev. Dr. Sian Za Lal (D.D)
Pu Thang Khen (Tawmbing) leh Pi Luan Khaw Man te tanu 4 leh tapa 5 aneih sung pan a 7 na hi. 1957 kumin Tedim myo Leilum veng ah suak hi. 1984 kumin Pu Langh Cin (Kawngte) leh Pi Ngen Za Don te tanu Nu Lam Za Cing (UDC) tawh kiteeng hi.
Tapa 2 leh tanu 2 nei uh a; (1) Pa Khen Sawm Thang B.Th, M.Div + Nu Vung Sian Huai –tanu Cing Sian Zem, (2) Tg Dr. Cin Lam Mang MBBS, (3) Lia Man Deih Kim B.E (Civil), (4) Lia Don Sian Lun E.co (3Rd year),Primary – SPS Leilum, Middle – SHS Tedim, High School – SHS Tedim ah, BABS -Faith Baptist Bible College Tedim 1986-2000, M.A (Theology) Faith Baptist Bible College Tedim 2001-2002, D.D Living Bible College and Seminary Yangon, 2010.1975 kumin Rev. Dr. Hau Lian Kham tungtawn in gupngah kitel aa, Siapa mahin Cope Memorial Baptist Church ah tuiphum pah hi. 2007 kum ciang EBC gam bupin tuiphum sia Ordination pia hi. 1991 kum Tonzang EBC pawlpi ah Pastor sem hi. 1992 kum Tamu EBC pawlpi ah Pastor sem hi. 1993-97 kum EBC gambup zum Tedim ah laiat sem hi.
1998-2002 kum EBC gambup gospel leader sem hi. 2004 pan tuni dong Shalom EBC Yangon ah huh sia sem hi.Tulaitak Central Zomus Yangon ah President asep laitak hi. Yangon Zomi kipawl na tuamtuam (GZA, Zomus, Zolus, T.A) ah kihel hi. A pianthak akipan laphuak in Pasian nasem hi. Ebenezer (12) Album ciang tungta hi. Pasian phatna la, Nu le Pa itna la, Minam itna la tuamtuam dawngtul val phuak ahih manin pahtawina tuamtuam a ngah banah Doctor of Divinity pia hi. Zomi sungah la lam tawh kisai in pahtawina D.D ngah masa pen ahi hi.
