Rev Khai Khan Suan (D.D)
Pa Ling Za Thang (Gualnam) leh Nu Kham Hen Niang (Taithul) te sung panin 7.6.1956 kumin Tedim gam Thangzang khua ah suak hi. Aneu tung pan dam thei lo a, zong si ngei liang ahih manin nulehpa in Pasian tungah “Nong damsak kik leh nang ma nasem dingin hong ap nung” ci-in ap uh hi. Apian thak ciangin ama thu in kipia a, lungdamna thu gen in vak kawikawi hi. Senior Pastor Rev Hau Lian Kham 26.6.1979 ni Yangon Laisiangtho sang apai ciangin sia Khai Khan Suan in Tedim Bethel AG Pawlpi tuni dong hong kem suak hi.
Thugen leh kamphen kiva a, Zogam, Kawlgam leh gam tuamtuam dongah Topan hong zatsak hi. 1979 January akipan hunbit Pasian nasem in kizang hi. 1980 kum April 6 ni-in District Council in License Minister pia hi. 1987 kum February 12 ni-in General Council in Putao khua ah Ordinationpia hi.1986 kum June kha pan 1988 kum Kawlgam buai hundong Yangon Evangel Bible College (EBC) ah kah hi. Rhema Bible College in B.Th pia hi.
Bethel Bible College in Tedim pan in Bachelor of Christian Ministry (B.C.Min) Honorary pia hi.1993-2002 kum 9 sung District No.4, Kalemyo ah Superintendent sem hi. Kawlgam AG General Council ah Member 1993-1999 kum 6 sung sem hi. 7.6.2016 ni-in kum (60) cin na birthday Pasian nasep kum (40) cin na, azi S/m En Ngaih Lian tawh kiteen zawh kum (25) cin na cih te gawmkhawm in BAG biakinn ah lungdam kohna thupi takin bawl hi. APTA te khut nuai a om CIST sang te in 25.2007 ni-in Malaysia khuapi Kualalampur ah Doctor of Divinity pahtawina pia hi.
Pasian in thupha pia a, tanu 6 leh tapa 1 pia hi. Lia Niang Sian Tawi, Lia Cing Sian Nuam, Lia Thang Sian Man, Lia Cing Sian Kep Lian, Lia Sian Hoih Zuun, Lia Man Sian Sung leh Tg Thang Sian Beel te ahi hi.
