Brother, Lian Khan Hang ( D.Min )
Pu Lian Cin Kham (Man Taung) leh Pi Hau Za Cing te sung panin 20.2.1944 kumin Tonzang gam Phaitu khua ah suak hi. Dr Hang in Phaitu khua a teng Pu Pum Cin Thang (Lian zaw) leh Pi Nei Kho Man te tanu Nu Cing Kho Hau tawh 9.5.1969 kumin
pumkhat suak hi. Kum 12 sung ta neilo a, Pasian nasem dingin
akipiak ciangin Pasian in tanu tapa 3 pia hi. 1. Tg Sameul Kham Lam Mung AGTI, B.A (Bur), M.Div, M.Th (Professor) .2. Lia Esther Nem Ngaih Lun B.A (Eng)Qualify, M.A (Singapore).3. Tg David Mang Sian Sang LLB, DIL, DBL, (Advocade).
Sangkahna: Tan 1-4 dong SPS Phaitu (1954-1959), Tan 5-7 dong SMS Tonzang (1959-1962)Tan 8-9 dong SHS Tonzang (1962-1964)
Tan 10 pen 1964-65 SHS Tedim kia, 1970 kum ciang ong hi.
1971-75, Worker’s College Yangon B.A (History) qualify hi. 1966
kumin (Navy) Tuigalkap ah lut hi. 1974 kumin gupkhiatna ngah lam kitel hi. 1978 kumin Pasian nasem ding khensat in pension la hi. 1991-92 ACTS Korea ah M.A (Master of Mission) ngah hi. 1992-94 SBLBS Florida USA pan D.Miss (Doctor of Missiology) ngah hi.
Pasian nasepna: 1978-1984, Sanggam pawlpi Phaitu ah Pastor sem hi. 1978-1984, Tonzang Myo ah Witnessing For Christ zum hongin LST phi sak hi. 1985-1987, Kalemyo Kawlpi leh Tamu kikal ah Crusade bawl kawikawi hi. 1987-1990, Rhema Bible College Dean leh Professor sem hi. 1991-1993, ACTS Bible College Korea ah sangkah hi. 1993- 1996, Yangon Bible College ah Principal leh MBCF ah Vice Chairman sem hi. 1997-2000, Pastor Training College leh Hebron Bible Institute Principal sem hi. 19.11.2000 ni-in ana asepsak pa Pasian kiangah tawlnga hi. Kawlgam sungah biakinn bekbek (25) lam sak hi. Kawlgam sungah sanggam pawlpi (10) val phut hi. Hong nusiat ma in a DIARY sungah hih thu (4) at in ong nusiat khit ciang kimu hi. (1) Sihna pen alamdang hilo hi banghang hiam cih leh mi khempeuh asi ding ahi hi. (2) Sihna pen dah ding mah hi. Sauvei pi kikhenna hi mah taleh ki hehnep lah ding hilo hi. Bang hang hiam cih leh kimu kik ding hihang. (3) Asi te it ding mah hi. Hi zong leh ihphal zawk ding ahi hi. Banghang hiam cih leh amah pen alunggulh pa kiang pai ahi hi. (4) Asi te ngai ding mah hi. A hizongin ih lam et na mun pai ding ahih manin phal ding ahi hi.
