Rev Suan Za Lian ( D.Min )
Pu Khoi Khaw Thang (Hatzaw) leh Pi Niang Za Ning te sung panin 12.1.1960 kumin Phaiza khua ah suak hi. Saizang khua Pa Thuam Cin Pau tanu lia Vung Za Man tawh 1.12.1995 in Immanuel Baptist Church Yangon ah pumkhat suahna bawl hi. Sanggam pasal 3 leh numei 3 pha uh hi. Nu Niang Man Cing (late) Nu Zen Khaw Cing (Kawlpi) Pastor Richard Suan Za Lian (USA) Nu Don Za Ciang (Sawbua) Pa Dal Za Mang (USA) Pa Dal Khan Kap (USA) te ahi hi. 1973 kumin kum 13 kapha aa, gupkhiatna (Pianthakna) kangah lam kaki tel hi.1975 kumin Phaiza pan Kawlzang Sawbua ah ka kikhin uh hi. 1976 kumin Sawbweyeshen ah AG Pawlpi kaphut uh hi.1976 kumin Kawlgam AG te Tintan Sia Myochit makaihna tawh kha 3 ka kah hi. 1976 kumin Siama Cing Za Dim makaihna tawh kamtuam pau kangah hi.27.12.1977 ni-in Amos 8:11 tungtawn in “Kha Siangtho ki lato zo”
cih la Topan hongpia hi.1978 April Tedim Section Crusade masa pen kumin tua laa kasa hi.Sangkahna:- 1978 kumin SHS Thuklai pan tan 8 ka zo hi.-1978-80 dong SHS Tedim ah tan 9 & 10 ka kah hi.-1979- 80 kum tan 10 ka sim kumin Agape lakhui 2,3,4 te kakhum uh hi.1985 kum Yangon ka zin kal in ka nun hong nusia aa, ka sumneih 100teng sisawnsawn hi. -B.Th, South East Asia Bible College (Bangalore) SABC, 1987-1990.-M.Div, Oral Roberts University (ORU) USA, 1994-2000.-D.Min (Cand) Oral Roberts University (ORU) USA, 2001
Nasepna:1973kum ka pianthak kipan teci panna leh laasakna tawh mun 3000 val ah ka pai hi.1978 kum tan 8 kah kawmin Thuklai AG ah Sia Mung tawh laa tawh ka kithuah hi. 1987-1990 dong Bangalore (India) ah kum 4 laasiam pen kangah manin Founder Scholarship kangahhi. 1990 kum B.Th ka zawh ciang Yangon FGA ah Associate Pastor ka sem hi. 1992 kumin Rev Suan Go Khai panpih na tawh Haggai Institute Singapore kapai thei hi.1994 kumin USA paitheih nang Topa in lampi hong honsak a, Jimmy Swaggard Bible College ah kha 3 ka om masa hi. Tua pan ORU ka tung thei hi.2000 kum pan Burma Christian Mission Church Founder/President kasem hi.2005 kum ciang Burmese Christian Assembly Church, Dr John Dai Khawng tawh kithuah in Zo hun, Kawl hun kanei uh hi. Pasian hehpihna tawh America gam sungah kavak kawikawi a, Thailand, Malaysia, Singapore, Norway, Japan, Canada, Mexico gam te ah zong lungdamna thu ka gen thei hi.