Tg. Zel Sian Tan
Lailo khua Pa Vungh Khan Suum(Buansiing) leh Nu Dim Ngaih Don (Gualnam songlam)te’ sung panin 1.6.2001 kum in Yangon ah suak hi. Sanggam pasal 3 leh numei 1 lakah a nau pen hi. (1) Tg. Dongh Kap Thang, Myanmar Railway, (2) Tg Zam Thawm Kim, BA.(Phil) third year, (3) Lia Niing Za Mung, BE, (Machanical), (4) Tg Zel Sian Tan, Matric, All-D te hi.
Sangkahna: Tan lang BEHS, No.(3) Maymyo, a nihna ngah, Tan khat BEPS, Kawlyinmyo, Special Award, Tan nih, BEPS, Kawlyinmyo, a khatna, Tan thum, BEPS, Kawyinmyo, A khatna, Tanli BEPS, Kawlyinmyo, akhatna, (Sagaing Division) ah ki dem hi. Tan nga leh tan guk, BEHS, Kawlyinmyo, a khatna, Sagaing Division ah a nihna, Tan Sagih leh tan giat BEHS, No.(3) Kalaymyo, a khatna ngah, Tan kua leh tan sawm, Private High School, Yinyaw Kamayut, Yangon, A khatna, All-D ngah hi.
Matngahte: Myanmar 76, English 75, Maths 95, Chemistry 94, Physics 97, Biology 98. Mat gawm vekpi 535 pha hi. Pasian deih sakna a om leh ka uk pen ahih mah bangin Yangon Technological University, YTU kah sawm ingh. Lungdam kohna: Amasa pen hih bang gualzawhna hong pia Pasian tungah lungdamna ko masa ingh. Ka pianna ka nu, ka pa tung leh ka u te teng tungah zong lungdam ko ingh. Thu hong nget sak pawlpi siate leh pawlpi mi a kuama peuh leh sanggam u le naute tungah lungdamna kong ko hi.
