Tg. Sing Mun Thang
Pa min – Pa Gin Deih Sian Za Tuang
Nu min – Nu Vung Lam Suan
Suah ni – 27-1-2003 (Laaitui)
Pianpih sanggamte:
- Nu Ning Sawn Tawi (USA)
- Tg Gin Sawm Khan Lam
- Tg Sing Mun Thang
- Tg Thang Khan Lal
Tan 10 All D ngah theih nadinga laisimzia
Sia, Siamahte lamhilhnate zuihna tawh, ngimna kician nei in lungkia lo leh hanciam takpi in lai sim.
Khangthak sangnaupangte hanthot nop
A gualzosa mite ciing (copy) lo zaw in ei gualzawh nading lampi ei mahin phuak tawmin tua dan aa ih phuaktawmna ah a gualzo sate kiangah ngaihsutna hoih tuamtuamte ngen leng hoih ding hi. Tua zawh teh lai ih hanciamna ah Pasian mah tawh kop in lungkia ngei loin ngimna kician tawh hanciam takpi lehang gualzo ding hi hang.
Tate gualzawh nadinga Nu leh Pa, innkuanpihte lampan panpihzia
A masa in sangkah nadinga a kisam sumlehpaai lamah hon panpih ka pate teng, Thungetna leh a dang ih gen theihloh na tampite ah hon panpih tawntung ka nu, ka innkuanpihte leh a dang a kuamah peuhte tungah lungdam ko masa ing. Nu leh pa in ih tate’ pilsin nading ahih nakleh ih neih ih lam ih bei phial zongin lungsiit lo takin pilna ih sinsak ding kisam sa ing. Tua zawh teh ihtaten pilna a sin laitak, a lungsim uh leh a pumpi uh a nawngkaisak thei ding thu nawngkai tuamtuamte a omloh nading zong kidop taak mahmah hi.
Ka nuntakna ah ka bulphuh LST
Jeremiah 33:3 Kei nong sap leh kong dawngkik dinga na theihngei nai loh, a ki-imcip thu lianpite kong gen ding hi.
Haksat hun leh lungkiat hun cianga ka thalakzia
Haksatna tuakin ka lung a kiat ciangin lawmlehgualte kiang peuhah kinga loin thungetna tawh tha la in hanciam ingh. A haksaat hun teh ih tup ih sawm nate hoihtak ngaihsun kikleng lungkiat nading thu omlo phial hi.
Pianna vangkhua ading ka lungdeih sinthu
Ih khua Laaitui a khantoh theih nading inah makaite in thumaan taka na hon sepnate uh ei mipite’n lung kituak taka ih zuihsiam ding thupi sa ing. Tua lo ih khua ih tui, inn leh lo, sumlehpaai khawng a hau leh mimal phazah a tam khawng bek hilo in pilna lam leh siamna lam tuamtuamte ah ih khantoh zawh semsem nadingin zong hanciam ding hoih sa ingh.
Tulaitak siam sinna:
University of Medicine, Magway (12/2019, Foundation Year)
