Tg Thang Hau Suum
Laitui khua Pa Kham Suan Mung (Gualnam) leh Nu Dim Sian Huai (Gualnam) te sung panin (22.9.1999) in yangon khua ah suak hi.
Sanggam laizom pasal 2 leh numei 1 lakah a upa pen ahi hi. Lia Ciang Van Kim matric leh Tg Pau Sian Sang Grade II kah hi. 2015-16 sangkum ka sang min uh hi. Ka Pawlpi pen Word of Faith (WFC) hi a, ka om na uh pen No (3808) Thar Yar Aye Street (1), Mayangone Township Yangon hi.
Subject zui a mark ngah zah teng Myanmar -78, English -77, Mathematics -97, Chemistry -98, Physic 98, Biology -99 hi. Vekpi gawm 547 marks hi a, tuni ciang All-D ngah lak ah a tampen ahi hi.Hih bangin All-D ngah cih ka theih caing bel nuam peuh mah ingh. Ka sia pa’n phone hongset in lungdam lua tu thei lo ding thei lo liangin ka om hi.
A masa penin ih biak Pasian tungah, anihna ah nulehpa tungah, athumna ah ka sia te khempeuh tungah ka lungdam hi. Pasian mah masak leng a man lam hong lak ding hi cih ka um hi. Sia hoih zong kisam mahmah hi. Lai deihna tak tawh laisim in Pasian tungah thu ngen a ih ki ap ding thupi penin ka mu hi.Tan sawm kah lai ding tetung ah kong vaikhak noppenin old questions te subjects kimin limtakin theih siang sawm ding hi hang.
Bang hang hiam cih leh old question te kumthum ciang khat vei ch bang a pai kik zel ahih manin na nunglam kum sawmsung a teng hoih tak kiging peuh le teh nagual zo ding hi cih konggen nuam hi.Topan hong lungkim pih leh kei uk leh ka lunggulh pen in Engineering kah nuam pen ingh. Ka lungdam.
