Dr Thang Geel Suum
Pa Cin Khan Pau leh Nu Ning Khan Dim te sung pan piang tan utapa 7 lak pan a 3 na hiin 1976 may 3 niin Tedim khua myoma veng ah suak hi.Tapidaw innkuan sung pan
khangkhia ahih hangin 1989 in kitel cianna tatak ngah thei a tuam kum mah in ki tuiphum hi.Pilna sin na ahih leh tan lang pan tan sawm dong Tedim ah kah in 1996 ni tan sawm ong hi. 2012 kum ciangin Dagon University, Yangon ah Distance Education tawh B.A gual zawhna ngah hi. Biakna lam a pilna zong na ah, 1995 in Tedim FBBC ah sin in 1999 teh B.A., B.S gualzawhna ngahin tua kum mahin Yangon GBTS ah zom pah hi. 2001 kum ciangn M.Div ngah hi.
Topa’n khat vei lampi honsak kik in 2007 kum teh Th.M sin dingin South Korea vapai a 2009 in gualzawhna ngah hi. Tua pan Korea gam mah a om Seoul Christian University ah Ph.D sinsuak thei a, 2013 in gualzawh na ngah hi.Biakna sung nasep na ahih leh 2002 pan 2004 ciang Kawlpi Barean EBC ah Assistant Pastor sem hi. 2005 pan 2006 sung Yangon Lai Siangtho sang pawl khat ah laihilh in o hi. 2007 teh Korea gam tungin tualai ah sang kah sung ahih theih bangin Korea Pawlpi ah Sunday School hilh in sangkah kawm hi. 2010 ciangin Nigeria vapai in tualai pan Africa Pawlpi te ngetna tawh Korea gam Seoul khuapi a Mivom te lakah Pawlpi khat kipan a Pastor sem pah hi.
Haksatna tuamtuam hangin 2011 ciangin Korea Pawlpi khat in English Department a Pastor dingin sam ahih main tua lai ah a sang man dong sia sem suak hi. Tua sung mah ahi 2012 in Korea a om Zomi pawlkhat in a om na tel ahih manin Ciimnuai innkuan, Korea ci- in Tedim pau tawh zong biakpiakna kipan thei a tualai mah ah zong Pastor sem kawm pah hi.Korea a sang kahin a om sungin Topa’n thukim pih ahih manin Korea mah ah Th.M sin laitak ahi Cing En Niang tawh 2011 February 27 ni-in kiteeng uh hi. Tu in ahih leh Kawlgam hong ciah kik in a Pawlpi ahi Barean EBC ah ciah kik a Pawlpi in zong Sia khat mah in na sang thei uh ahih manin Pasian nasep aki zom toto suak hi.
