Dr. Kai Hau Lian Pau
1973 kumin Tedim khuapi ah piang hi. 1995 April kha in piangthak a tua kha sung mahin tui kiphum pah hi.Leitung pilna zonna tawh kisai in 1999 kum (ama piankum 26) aphak in tan 10 ong pan hi. 2005 kum ciang in LL.B (Q) a zo hi.
Lai Siangtho sangkah na tawh kisai in Tedim FBBC sangpi pan 2001 kumin BABS; Bharat Bible College, Secunderabad, India pan 2003 kumin B.D leh 2005 kumin M.Th; Prebyterian College and Theological Seminary, Seoul, Korea pan 2010 kumin Th.D cih te ngah hi.
Pasian nasepna tawh kisai in 2005 kum pan 2007 Korea ah sangkah apai dong) ah associate pastor sem hi. 2010 Korea pan ong tunkik akipan asep nasa a hi associate pastor panmun mah ah Berean EBC tawh khut kilenkhawm in tuni ciangdong Topa aa ding ahih theih bangin ma a pang hi.Innkuan tawh kisai in 2005 kumin Sianu Vung Lam Niang tawh kiteeng a, tanu khat leh tapa nih nei in Kawlpi khua Seihkanthar veng kim ah a innkuan un a teeng uh hi.
