Dr. H. Elizabeth Hau Sawm Vung
Bo Thawng Za Pau (Hatzaw) leh Nu Niang Deih Lian te sung panin 15.12.1980 ni-in Aizawl Synod zatopi ah suak hi. Unau sanggam pasal 2 nei hi.
Sangkahna: -1997 kumin tan sawm zo hi. 1999 kumin tan 12 zo hi.-2000-2002 kum North Eastern Hill University ah Home Science Specialization “Child Development” sin in first class B.Sc degree ngah hi. Kumpi nasep kawmin Mizoram University ah “Women and Health Department of Social Work” panin 27.5.2014 ni-in Doctor of Philosophy degree kipia hi.
Tungtuan nate: (1) 1999 kum Mizoram tangin India gambup “National Science Congress” lai lam kidemna ah Hyderabad pan a thumna (3rd) ngah hi. (2)2004 kum India gambup “National Eligibility Test kidemna ah zo hi. Innkuanvai:Tonzang khua mi Dr Kham Suan Pau tawh 7.4.2000 kumin Aizawl ZBC biakinn ah Christian ngeina tawh kiteeng in tapa Samuel Suan Biak Sang leh Paul Pau Muan Sang nei-in, Mizoram khuapi Aizawl University Campus Quarter ah teeng hi.
A pasal Dr Kham Suan Pau pen in North Eastern Hill University Shillong pan 2000 kum M.Sc (Physic) zo a, 2003 kum Diploma in Radiological Physic, Bhabha Atomic Research Center Mumbai University zo hi. 2013 kumin Mizoram University pan Radiation tawh kisai in Department of Physic pan in Ph.D degree kipia hi. 2003 pan tuni dong Mizoram State Cancer Institute Medical Physic ah Radiology Safety Officer tawh a nupa un semkhawm hi.
Nasepna: 2004-2007 sung National and International (NGO) ah sem hi.2008-2016 dong Mizoram Social Work Department Assistant Professor Senior sem hi.