Dr. Langh Khen Thang, Ph.D

Pu Awn Zam, Naulak leh Pi Dim Go Cingte sung pan 1939 July, 1 ni in Sezang khua ah suak hi. 1946 kum in, S.H.S Tedim ah tan lang kah a, 1953 kum in tan 7 kia hi. Laisim thadah in Sabeng in ni tum hi. Ni khat a sia pa Sia.Thawn Pu in, suang laipi phiatna tawh dengin a tal kha hi. Tuani a kipan lai hanciam in, sang hoih tak kah kik a, tan sagih kum nih na kum 1954 in Tedim gambup ah a khat na (First Position) ngah hi.

Tuahangin 1955 kum in State Scholarship Stipend tawh Premedical First Year leh Second Year Rangoon Central State (Model) High School ah kah zo hi. (1) 1956-57 kum in Rangoon ah Matriculation ong hi.(2) 1957-58 kum in I.Sc (Intermediate of Science Part A) ong hi. (3) 1958-60 kum in G.T.I (Insein) ah kah in ong hi. (4) 1961-65 kum in State Scholarship tawh B.E (Bachelor of Engineering) ngah hi. (5) 1968 kum ciang Federal Republic of Germany ah M.E (Master of Engineering) ong hi.  (6) 1970-73 ciang Ph.D (Thesis) at in ong hi.

East Germany ah sang a kah sungin gamdang sangnaupang te lak pan Christian teng kipawl na ah Secretary sem in (United Kingdom, Switzaland, Poland, France, West Germany) gam te ah biakna vai khawmpi ah kipai sak kawikawi hi. 6 February 1996 ni in a om na Kroneeter-16,34/32 Kassel, West Germany pan in Topa kiang hong zuat san ta hi.

Sanggamte: (1) Nu Don Khawn Lian, (2) Pa Son Khen Pau, (3) Nu Am Kho Cing, (4) Pa Pum Khaw Pau, (5) Nu Nian Hau Cing, (6) Dr. Langh Khen Thang, (7) Pa Tual Khan Khup, (8)

Nu Neng Kho Man, (9) Pa Khup Khan Dal, (10) Pa Gin Za Tuang, (11) Pa Zam Khaw Thawng (Kalaymyo)

Leave a Reply 0

Your email address will not be published.



PARTNER

error: Sanggam, Na Copy sangin hong share sak zaw ve,