Pa Sing Za Khai

Mualpi khua Pa Langh Khan Hau (Hatzaw) leh Nu Cing Man Dim (Songput) te sung pan 19.7.1982 in Tonzang gam Mualpi khua ah suak hi. 14.2.2008 ni-in Saizang khua Pa Vung Khen Thang (Gualnam-Zuisang) tanu Lia Ciin Zuan Vung tawh kiteeng a, tapa David Hau Sian Thang Grade-2 leh tanu Esther Dim Sian Hoih nei hi.

Sangkahna: 1988-1994 dong BEHS Tonzang ah tan lang pan tan 4 ciang kah hi.1994-2000 dong BEHS Tonzang ah tan 5 pan tan 10 ciang kah hi. 2000-2004 dong Faith Baptist Theological College Tedim B.A.B.S ngah hi.2004-2007 dong Faith Baptist Theological Seminary Yangon M.Div ngah hi. BABS leh MDiv a kah sungin Choir leader sem den hi.

Kidemna: -1997 kum Kawlgambup sangnaupang te kimawlna Hakha ah kimawlna tuamtuam lak hi. -1998-1999 kum Tonzang myone tang in Pingpong/ Pipe kyaw Hakha ah kimawl hi.-2000-2004 kum sung (F.B.T.C) sangah mi 3 leh mi 4 lasak kidemna ah khat na ngah hi.-2013 kum tualsung zatui bawltheih nading T.M.R-012250 (0916) Letmat ngah hi.

Nasepte: 2008-2010 dong South East Asia Mission College Lecturer leh Academic Dean sem hi. 2010-tudong High Lander (tualsung zatui te) bawl in zuak na nasep sem hi. 2015 kum Malaysia ah Pawlpi tuamtuam pan thugen ding kisam in paithei hi. 2016 kumin USA ah conference kah ding leh thu gen  ding in pai thei hi.

Zatui zuak te: High Lander Pa Siing Za Khai (B.A.B.S; M.Div) + Nu Ciin Zuan Vung (B.A.B.S; M.Div)2. Lia Dim Sian Cing G.Th; B.Th; M.Div (Acts Bible College-Yangon),3. Nu Khup Deih Lun B.Th (Acts Bible College); M.Div (Cand) Bangalore, India.4. Tg Pau Suan Thang B.A (Psy); B.Th; M.Div; M.A, Yangon. 5. Tg Nang Lian Tuang  B.Th; B.Sc (Bot), Yangon.