Pa Langh Suan Thang
Kapteel khua Pa Gen Khaw Tual (Hatzaw) leh Nu Thawng Do Cing te sung pan 1948 kum Vaimim pak laitak in Kapteel khua ah suak hi. Suahpih sanggam pasal 4 leh numei 3 lak ah a nautum pen ahi hi. 19.11.1973 kumin Sia Phung Kai leh Nu Tel Khan Ning te tanu anihna Nu Khawl Man tawh Pastor Kip Za Nang in pumkhat suahna pia a, Tapa 1 leh tanu 5 nei hi. Tan langpan tan 4 dong SPS Haimual, tan 5 pan tan 6 dong SMS Kapteel, tan 7 Singunau SDA sangah, tan 8 Toungoo SDA mission sangah kah hi. Suahpih sanggam teng: (1) Vung Khan Man + Khual Do Thang (2) Nawn Khup + Thual Za Gin (3) Khual Khan Pau + Niang Khan Khual (4) Vung Za Awi + Vungh Za Dong (5) Pastor Tel Khan Thang + Dim Uap (6) Khat Za Lang + Cing Do Langh(7) Langh Suan Thang + Khawl Man.
Teen na munte: Kapteel pan Haimual 1950-1966, Haimual pan Chiantakyi 19661975, Chiantakyi pan Sakhankyi 1975-1985, Sakhankyi pan Kalemyo 1985-1995, Kalemyo pan Mandalay 20.2.1996 pan tuni dong Hotel Dynasty inn hon pawi bawl in tuni dong nuamtak in ka teeng uh hi.Gamdan Khualzin na:1999-Beijing (China) 2000-Canada Toronto (USA) 2001-India, Thailand, Philippine.
Tate: (1) Cing Lam Vung BBA Pune India + Nang Khan Mung B.A (USA),(2) Ning Sian Neem B.A Pune India + Gin Khan Khup (Zech Republic), (3) Man Ho Nuam BBA Surat India + USA, (4) Tual Zam Lun Cing B.Sc Nursing (India) –India Shimla, (5) Kai Za Vung Bachelor of Medical Technology Myanmar,(6) Tual Mun Khai Looning Medical College, China.Sum leh pai zonna:Lawi lokho, huanbawl, India leh Kawlgam sungah kasung pa Pau Za Khan pattah na tawh kithuah in ka zin kawikawi uh hi. Tulaitak Pyin Oo Lwin ah lo acre 26.5 kho in dol sing, vong sing leh a tuamtuam ka ciing hi. Yee Mon Taung ah leisek in dawl 2 kalam hi. Yadanabon teleport city ah leiseek inn lam ka ki pan hi.
Biakna sung: Chiantakyi SDA biakinn lamsak, Sezang SDA biakinn leisak, Sawbwayeshin biakinn lei sak, Zampi SDA sang inn sikkang leisak, Tuikhal SDA Chapel Sikkang leisak, Katha SDA Chapel Sikkang leisak, Mandalay SDA biakinn puah sak, Sakhankyi SDA Pawlpi phut, Sezang ah mi 15, Shan gam Kaw Paung ah mi 22, Yadana Theingyeemine ah mi 7 tui kaphum hi. Chiantakyi khua a ding Oasis tui khuk leh Laibu saal a ding Sikkan pia, Haimual Nylon tui zawl pia, Mandalay Zomi Tedim innkuan khuado pawi neih suak thei nading vaihawm. Motto:”A gualzo te in a lamdang pi a sem hituanlo a, a sepdan uh a lamdang deuh hibek hi”.Lai Siangtho deih: Mate 7:12 Nang tung hong kibawl ding nadeih bangin midang te tung bawl in. Ka la deih pen: ZBC-322. Zeisu bek’n nuam na hong pia thei hi.
