Pa En Lam Cin

Gawngmual khua Pu Kham Tuan (Naulak) leh Pi Vung Za Cing (Tonsing) te sung pan 2.8.1949   in Tedim khuapi ah suak hi. Sanggam laizom 11 lakah pasal 6 leh numei 5 pha uh hi. (1) Lia Ngem Za Man (Township Co-operative Officer-TCO), (2) Pa En Lam Cin + Nu Man Khan Dim, (3) Pa Lang Do Khup B.Sc (Physic) + Nu Cing Ngaih Don, (4) Pa Pau Khan Khup + Nu Nuam Lam Cing, (5) Lia Hau Khaw Niang (pipi), (6) Nu Ciang Lian Cing + Captain Gin Za Mung, (7) Pa Thang Suan Lian (Lianpi) + Nu Vung Za Vai, (8) Lia Niang Lam Vung B.Sc (Chem), (9) Pa Gin Khan Suan B.Sc (Chem) + Nu Cin Lam Lun, (10) Pa Khup Sian Tuang + Nu Mang Sian Neam, (11) Rev Niang Khan Ciin B.A (Hist), B.Th, M.A (Bible).

Zi leh ta: Tonzang khua pa Gin Khan Do tanu Syamah Man Khan Dim (UDC) Co-operative tawh kiteeng a, tanu 3 leh tapa 1 nei hi. (1) Nu Cing Gah Lun B.Th, M.Div (Bangalore), (2) Nu Ciin Sian San, (3) Nu Man Dot Lian B.Th (Bangalore), (4) Tg Tuan Thawn Mung (music).

Nasepna: 1960 kum pan Zomi khangno sungah guitar nidang tumdan leh tuhun a chord tuamtuam tawh tum masa pawl lakah “Lam Cin” minthang masa pen hi. A innkuan phial un tumging siam uh a, anu leh pa zong uk uh hi. A mau inn sung pan Mandolin, Benjo, Jugalele, Double bass leh guitar kinak tum mahmah a, khangno atamzaw te kipattah na munkhat ahi hi. Lam Cin makaihna tawh “Myomah Turiya Group” phuankhia a, Zomi sungah amasa pen hi. Atum khoppih te in (1) Pa Zen Za Dal (2) Pa Kam Za Mung te hi deuh hi. Lengtong Band: Tedim ah music Band tuamtuam hong om a, “Lengtong Band” hong picing leuleu hi. Zawlla khum cilna hi a, Go Hau (Lead), Suamang (Bass), Pau Thawn (Drum) hi a, lasa Kam Khen, Pauno, Go lian te ahi hi.