Major. Khai Za Pome B.A

Pu Vum Zam leh Pi Vung Lian teta 5 aneih sung panina upen hi a, 8.2.1939 ni-in Thuklai ah suak hi. 1962 kumin B.A degree ngah a, tua kum mahin Thuklai ah Sang sya (SAT) sem hi.

1965 kumin 2nd Lt tawh in galkap lut a, 1969 kum Captain ngah hi. 1979 kumin Major ngah a, 1989-90 kumin Mindat District LORC Law and Order Restoration Chairman sem hi. 1991 kumin Myintmu ah sem hi.1967 kumin Thuklai Suumniang tuu Pu On Ko Thang tanu Sm Nu Vung Za Neam (Nurse) tawh kiteeng a, tapa 2 leh tanu 2 nei uh hi. Taunggyi ah teeng a, 1995 kumin Yangon galkap Zato panin Topa tawh mangkhawm hi.

Pasian ading sepna: 1. Mindat ah (LORC) Chairman sepsung Blessing AG biakinn mun pia in biakinn lamsak hi.2. Matupi AG biakinn munding grant bawlsak hi. Biakinn zong lampih hi. 3. Kanpalet AG biakinn munding khua lai mual bawk no tung ah mun pia hi. 4. Minmoo ah (LORC) Chairman sepsung tuiphum leh AG biakinn mun ding vaihawm sak a, aki lam zawh dong makaih hi. 5. Taunggyi ah ama makaih na awh piangthak hong tam ciang 1979 kum AG Pawlpi phut hi. 6. Pasian ading na tam sem lua ahih manin Col dong tung ding kim lai Major ah khawl hi. 7. Quarter Master General asep lai u lian khat in Ks.30000 ngen in pia zo lo hi. Sule Pagoda puah nading kha khat sum kingen a, “Kei Christian hing” pia zo kei ning acih ciang in tung siah ten tel khial aa, zaa khan nading khak tan in zaa kiasak uh hi.