Major. Mang Ya Htang

Pu Mang Lun leh Pi Khup Niang te ta hi a, 16.7.1909 ni-in Khuasak khua ah suak hi. 1941 kumin LMP ong a, galkap sung lut hi. 1942 kum Japan gal sungin India Army Corps sungah lut in West Chin Levies Tedim Zone ah Medical Officer sem hi. 1954-59 sung MBBS kah kik hi.

1947 kum ciangin Burma Army Medical Service ah kikhin a, No. 2 Chin Rifle ah Capt tawh in Medical Officer sem hi. 1970 kumin Major tawh in pension laa a, Maymyo ah teeng hi. Niab Commandent Pu Pau Cin ii tanu Nu Son Za Cing tawh 24.11.1942 ni- in kiteeng a, tapa 3 leh tanu 4 nei uh hi. 18.1.1975 ni-in leitung nusia hi. Assistant Director Dr. Vai Pau ii pa hi.