Cin Lian Lum
Cin Lian Lumn pen Pu Vial Nang (Sgt-Rtd) leh Pi Ciin Khen Cing te sung pan in 25.4.1953 kumin Muizawl khua ah suak hi. Unau 5 pha a: Cin Lian Lumn, Dim Za Lun, Khup Do Pau, Ning Deih Vung leh Thang Lian Kap te ahi uh hi. 1970-71
kum Tedim SHS ah tan 10 zo hi.1972-74 ciangin Yangon R.G.H ah zato siama (nursing diploma) zo leuleu hi.
1982 February panin November sungin Yangon, State Mental Hospital ah Mental Health sin a, nursing certificate ngah hi. Yangon aa Univerisity of Nursing ah 1994-96 sung B.N.Sc 2nd Batch in gualzawhna lato lai hi.2003- 2005 sungin MOH, WHO, ICN pan kibawl Nursing Leadership and Management Development Course zong vakah hi. 1976 pan 1979, Thongkia te kepna (Yebet camp) Frontier Medical Team ah vasem hi.
1979-1981, Prisons’ Department Hospital ah sem a, 1981-1996 Yangon General Hospital ah hong sem leuleu hi. 1996-1998, Yangon North Okkala Hospital ah sem a, 1998 pan 2004 dong nursing brother I/C sem hi.2004 pan 2010 dong Kayin State leh Yangon Division ah nursing officer sem aa, tua pan Yangon Regional Health Department ah Assistant Director zaa tawh 25.4.2013 ni-in kum cing pension laa hi. Pension alak khit ciang Myanmar Nurse and Midwife Association Central Executive Committee Member Term (2) na asep laitak hi.
Ziletate: Vangteh mi Pa Son Dai(Ngaihte) leh Nu Luan Niang(guite) ta nu S/m Awi Sian Nem,(Nurse) tawh 5.6.1987 ni-in Kalaymyo Baptist Church ah Rev Ngul Khan Pau in pumkhat suak sak hi. Tanu thum leh tapa khat nei hi. Cing Lian Kim MBBS (Yangon); Niang San Cing B.N.Sc (Singapore); Nang Lian Tuang AGTI, B.Tech; leh Lun Lian Muang B.A (Eng) hi.
