Dr. Pau Cin En

Pu Son Tual leh Pi Lam Dim te tapa thumna hi a, 12.11.1938 ni-in Tungtuang khua ah suak hi.1946 kumin Tonzang khua ah sang kah kipan a, 1950 kumin tan 4 zo in akhat na ngah hi. Tua kumin Tedim gambup ah Mathamatics mark atam pen ngah hi. 1953-54 Tedim khua ah tan 7 akah laitak High School Scholarship leh Premedical Schorlarship ngahin, Yangon ah sangkah suak hi. 1956 kumin Yangon pan tan 10 zo hi.

1957 kumin Yankin College, Yangon pan Physics Distinction Prize ngah hi. 1958 kum Yangon Chin Christian Association aphuan khia cil te lakah kihel hi. Zomi Siamsin kipawlna aphuancil te lakah makai khat in kihel-a, Zomi Siamsin Magazine Editor zong sem hi. 1967 kumin Yangon pan zato lam siamna (MBBS) zo hi.

1968-1994 kum sung Paletwa, Tonzang, Thantlang, Tedim, Thuklai, Shwepanthaw, Magwe leh Myitkyina khuapi te ah Health Department Medical Officer sem kawikawi hi.1994-1997 kum sungin Tedim khua ah Senior Medical Officer sem-a, tua pan pension la hi.1978-79 kum sungin India gam Hydrabird ah Neutrition tawh kisai Certificate course kah in zo hi.

1994 kumin HIV/AIDS Care tawh kisai-in Switzeland gam Geneva ah Conference vapai-in WHO Award ngah hi.1998 kum Tedim Faith Baptist Bible College pan Laisiangtho sang pilna M.A (Theology) zo hi.

Ama thu deihpi-in: (1) Pasian gam leh ama dikna zong masa un (Mtt.6:33), (2) Minam leh gam khantoh nading lunggulhna lianpi nei hi.