Menzi Pu Tual Khaw Mang
Pu Thawng Za Khup A.T.M leh Pi Tel Za Kai te tapa hi a, Saizang khua ah June 9,1935 in suak hi. A zi Nu Cing Go Niang tawh tanu 3 leh tapa 2 nei uh hi.
Sangkahna:1940 kumin Saizang khua ah Zolai sangkah hi. 1945 Tedim ah kahin Tan IV dong zo a, 1953-54 Tedim ah kahin Tan X zo hi. 1954-55 Rangoon University kah a, 1958-59 kumin B.A zo hi. 1959- 1961 in B.L part I & part II zo hi.
Nasepna: 1960-61 kumin Rangoon University English Language & Literature Department ah Tutor sem hi. January 1961 in Chin Civil Service (Junior B r a n c h ) ah lutin, Pedu Divison ah nasepsinin ATO sem hi. 1 9 6 2 – 63 in Matupi Myo-ok sem hi. 1963 kum pan 1965 kipat dong, Yamethin ah Vuandok sem hi. 1965-68 sung Maymyo ah District Treasury Officer sem hi.1968-71 sung Amarapura ah Vuandol sem hi. 1972-76 Mawlaik ah Vuandok sem hi. Vuandok a senate ah Special Power Magistrate ngah hi.1976-84 in Tedim Council zum ah sem a, tua ciangin Sagaing Division ah za khangin piang hi.1988 Kawlgam buai hun zawh ciang District te ah ki om sak kik a, Kale District ah Mangpi sem hi. 1991 kumin za khang leuleu in Putao District ah Mangpi mah sem hi.1993 kum za khangin Zogam khuapi Hakha ah Menzi sem hi.1995 bei kuan ciang, Yangon General Administration zumpi Home Ministry ah Director in kituah hi. June 9,1995 kum ciangin pension la hi. A pension lak zawh a sawt loin U.S.A, Hawaii tuikulh-a Haggai Institute ahAdvanced Leadership Seminar kah hi. A nihveina Council hunin Pyine Council ah telcing hi. 1972 kum gam ki-uk nang Upadi kibawl hunin Hakha Myone ah Ohkathah sem hi. A khatveina Council kitel hun ciangin zong kitel Ohkathat mah sem hi. A nihveina leh a thumveina Council kitelnate ah Tedim Myone pan kitelna thuvanpi sem hi.A neu-a kipanin a nasepna hun sungah a mipihte leh a gam a lei ading deihsakna nei hi. Tedim Sialtang tui-a kipan Zo gam, Tedim gam mun tuamtuam ah cidamna tawh kituak tui neek dingte hong kibawlsakna, ama’ hanciamna hang ahi hi. Tua thupah Topa Pasian in apha- in na thuk-in Lawki bu panin piangthak hi. A pa Ukpi Thawng Za Khup a sih ciangin a han ken ding, Mawlaik gam ah sai kap a, hih la na phuah hi.(a) Mi’n sang lian a phuk-a leh gualtung a tuanna hi e,(b) Len sum kai-a sang ka kap aw, zua vaang ka ngaih man hi e. na ci hi. A sai betna ah Kumpi Timber Board te sai vivezangahimanin, (a) Pu pa phaksap sang sul zuihna zang vuisai simsal ci’ng e,(b) Sang deih sumlu ka puakna aw, khumtuinu vuisai hi e. ci-in la na phuak hi.
Minphatna: Public Good Service Medal 7.6.2011 ni-in Tedim inn pi pan leitung nusia hi.
