Pu Kam Za Thang (B.E (Civil)

 Pa min – Pu Thawng Khua Pau
Nu min – Pi Ciin Ngaih Kim
Suah ni – 7.2.1950
Zilehta- Nu Cherry Thian Kyin Hung (Khuasak) tawh 1982 kumin kitengin tanu 2 nei uh hi. A tate;
1. Nu Esther Kim San Lun + U Saw Min Kyaw

2. Nu Kam Thian Huai + Mr. Byn Beakyum

Siam sinna

1955 – 1963 dong Laaitui Private sangah tan 7 dong kah hi.

1965-66 sung No.1, BEHS, Tedim Sangpi ah tan 8 kah hi.

Tan 9 leh Tan 10, Yangon ah kah a, 1969 kumin tan 10, 2D (Chemistry, Mathematics) tawh ong hi.
1969 – 1976 sung Rangoon Institute of Technology – I (RIT), Insein ah kah in 1977 kumin B.E.(Civil) ngah hi.

Hun beisa thu leh Tulaitak:

(Hih thu tawh, 3.12.1994 ni a Pasian gam, a zuansa ka pa phawkna in hih thute ciamteh in a tomin ka pulaak hi.)

Kei pen, ka leitung Nu leh Pa sung panin, 7.2.1950 ni in Laaitui khua ah ka piang hi. Ka khang tangthu ka et ciang in, Lai Siangtho bu sunga khang simnate tawh ka et kaak ciang, Pu Abraham khang pan Pu David kumpipa khangdong, khang 14, Pu David kumpipa khang pan Pu Jeconiah hun ciang ahi Babylon gamah saltanhna hun dong khang 14 ci-in Matthew 1:2-17 munah kiciamteh, kimu thei ahihman, kei leh ka innkuanpihte tungah thupha hong pia ih biak Pa Pasian min ka phat hi. Ka neulai-in ka nu leh pa in, ka pil luat ding hong deih manin, a neih peuhpeuh zuak in pilna hong sinsak hi. 1955 pan 1963 ciangdong Laaitui Private Tan 7 sangah pilna ka sin a, 1965-1966 kumin, Tedim No. 1 Tansawm sangah sang ka kah hi. Tua panin Tan 8 ka on khit ciang, 1966 kum June tha sung in, Rangoon ah sangkah dingin ka pai hi. Tan 10, 1969 kum Distinction 2 (Chemsitry & Maths) tawh No 2. SHS, Bahan panin ka ong a, minphatna Medal khat leh Parker Pen ahoih mahmah khat tawh sang panin pahtawina hong pia uh hi.

Rangoon Institute of Technology, Insein ah, kum 1969 pan 1976 bei dong laisin in ka om a, tua pan ka manh zawh ciang, kumpi leh kumpi sunglo nasepna zumte ah na ka sem hi. Ih biak Pa Pasian huhna tawh, leitung vial 4 vei bang kimkot in, a nuaia gamte, kipawlnate leh nasepna zumte ah na kasem hi.

Nasepna

1977–78 : Engineer Supervisor (Yangon City Development Committee, Myanmar)

1978 – 83 : Project Engineer
(Construction Engineers’ Cooperative, Rangoon)

1983- 84 : Project Engineer (Hyundai Construction Company, Rangoon)

1983 – 84 : Project Engineer (People’s Resettlement Board, Rangoon)

1984–87 : ProjectEngineer(UNICEF’sWATSON,Rangoon)

• –  UNICEF huhna tawh Tedim khuabup ading Sialtangtui laksak hi.
• –  Lailo khua ah UNICEF huhna tawh tui pia hi.
• –  Saizang khua ah UNICEF huhna tawh tui pia hi.
• –  Laaitui khua ah zong UNICEF huhna tawh tui pia a, tu dongin UNICEF tui kici hi.
  1988– 92 : Sub-Project Manager (ILO /UNV/UNDP) nasepna tawh Sierra
  Leone, West Africa ah a innkuan un om hi.
  1993 -94 : Road Project Engineer nasepna tawh Cambodia ah om hi.
  1994 –95 : Project Consultant (UNDP, Yangon)
  1995–97 : NationalInfrastructureConsultant(UNHCR,ProjectinRakhine)nasepnaahProject Engineer za tawh Rakhine gam, Maungtaw khua ah Sanginn, Zato, Lampi leh tui ngah nading a kipan, tuilamte bawlsak hi.
  1997-2001 :NationalProfessionalProject(UNESCO,UNOPS/UNDPProject-Myanmar)nuaiah Consultant sem in, Shan gam saklam, Kawlgam laizang tui haksana munte leh Irrawady gamkuam tengah Sanginn-te puahsak in, Tui haksate tui laksak hi.
  2001-2011 : United Nations Peacekeeping Mission, Sudan nuaiaa Water & Sanitation Project ah Chief Engineer za tawh Sudan gamah kum 10 val sem hi. Leitungbup kipawlna UNO te ii Ulian za nei mi 1000 a ciaptehna sungah khat in kihel hi. Hi banga ciaptehna ngahna pen Zomite lak genloh Khamtung gam bupah a kihelzo amah bek ahi hi.
  2011 kumin a nasepna pan tawlnga in, a zi leh a tate tawh Singapore ah teeng uh hi.

  Hong nusiatna

  2012 May tha in stroke hon ngah in, Singapore Changi Hospital ah kum 3 bang kibawl in, hong damkik hi. 2015 kumin stroke hon ngah kik in, tua pan Kawlgam lamah ciah in, theihtawp in kibawl hi. Topa’ gelnasa om bangin 3.7.2018 (Tue) ni, zingsang 6:40 hun in a omna Yangon khuapi, a lupna tung pan hon nusia hi.