Rev. Kham Cin Suum

Pa min – Pu Zel Khaw Vungh (Gualnam)

Nu min –  Pi Ning Khen Kim

Suah ni – 11.12.1980

Siam sinna

• 1998 kumin Laaitui khua Private Tansawm Sang panin Tan 10 zo.
• 2004 kumin Tedim Christian College, Yangon panin Bachelor of Theology.
• 2008 in Myanmar Institute of Theology, Yangon panin Master of Divinity.
• Kumpi theihpih ECCD Courses sin a, Basic Engine Working System sinna zong zo in, Institute of Leadership International pan zong certificate ngah hi.

Nasepna

• 1998 pan 2000 dong Basic Education High School – Laaitui ah private laihilh sya sem hi.
• 2004 panin 2009 dong Tedim Baptist Church – Yangon te Missionary in kipia a, Kawlte lakah gammial nasem in om hi.
• 2009 panin Kalarkyisu Baptist Church ci-in pawlpi khat in dingkhia in tuni dong tua pawlpi makaih hi.
• 2005 kum panin Obed House ci-in Yangon ah tagah leh genthei naupang kepna phuankhia a, tuni dongin naupang (40) kiim tawh zom lai hi.
• 2009 panin kumpi theihpihna tawh Wisdom Preschool ci-in naupang pattahna Mucu (Nursery) sang kipan a tuni dong zom lai hi.
• Tu-in Obed House Ministries ci-in gupkhiatna thu taangkona leh genthei liangvaite’ nuntak khuasak nading huhna tuamtuam vaihawmpih hi.

Gamdang paina

• 2009 kumin Singapore, Thailand, Malaysia
• 2014 kumin Australia
• 2017 kumin a nupa un Israel, Jordan, Egypt ah pai uh hi.

Uukna leh veina

Lailam nasep uk mahmah in 2000 kum pan Laaitui Thupuak hawmkhiatna ah zong hunbit in nasem hi. Khamtung gamah laigelhsiam mi minthangte sam in, Zomi Literature Tour a pian nadingin kipum piak hi. Khantohna lam nasep vei ngiat ahih manin gammial nasem in a omna Kalargyisu khua a om Kawl minamte in zong it mahmah hi.

Nuntakpih Lai Siangtho

Galati 6:9-10 “ Tua ahih manin na hoih sep ding cimtak kei ni. Lungkia loin i sep nakleh a hun ciangin thaman i ngah ding hi. Tua ahih ciangin hunhoih i ngah simin midangte tungah a hoihin i gamta ding a, a diakdiakin thu upna sungah i innkuanpihte khempeuh tungah i hoih gamtat ding i phawk ding hi.”