Rev Vial Nang
Tonzang khua Pu Thual Neng (Hautual) leh Pi Zel Ngem te sung panin 1893 kumin Tonzang myo ah suak hi. 1921 kum ciang Pi Dah Cing tawh kiteeng a, tapa 2 nei in a neulai in sihsuah hi. Azi Pi Dah Cing hongsih ciang zi kik in Pi Don Khaw Man la hi. Ta nei pih nawnlo hi.
Sangkahna: (1) 1906 kum Tonzang sia Po Ku nitak sangah kawllai sim hi.(2) 1914 kum Tedim Zolai sangah tan 4 dong zo hi. (3) 1915 kum Mandalay ABM sangah manglai sangkah hi. (4) 1916-1918 sung Insein Laisiangtho sangah kum 3 na dong kah hi.(5) 1924-Galpi khat na Piantit pan ciah kik zawh ciang kum 4 na zo hi.
Pawlpi nasepna: (1) 1924 kum pan sia Po Ku maban zomin tuiphum sia sem hi.(2) 1938 kum Cope Topa sih pan Rev Nelson hong tun dong Tedim ah Pastor sem.(3) 1942-1946 sung Rev Nelson te aciah sung sangmang te maban zom hi.(4) 1960 kum Tedim Cope Memorial Baptist Church thupha pia in honsak hi. (5) Cope Topa Zo Laisiangtho teikhiat pen a siamna zah siit lo in huh hi.
Leitung lam nasep: (1) 1919-1921 sung Piantit pai lai in Mangkang kumpi galkap mawtaw hawlsak (Mesopotemia) ah, Zomi bupah mawtaw hawl masa penin ki ciamteh hi. (2) 1942-43 Japan galsung Tedim-Imphal mawtaw lam tawh na ah lambu neu sem hi. (3) 1949-1954 kum sung mipi deihna tawh Tonzang khua Hausa sem hi.
Thu tuamtuam: (1) 1908 kumin Rev Po Ku in Tonzang khua kongpi lui ah tuiphum hi.(2) 1929 kumin ukpipa Pum Za Mang tapidaw (Baptist) Pawlpi ah tuiphum na pia hi.(3) 14.4.1999 kum a zi kik Pi Don Khaw Man asih teh gamh luah sawn Pa D.Go Khan Pau in Rev Vial Nang inn leh a huang teng khempeuh (T.T.B.A) piakhia hi.(4) 20.4.1960 ni-in Cope Memorial Baptist Church a honkhit ciang leitung nusiahi.
