Rev Vung Za Niang
Thuklai khua Thatmun suan Pu Kam Khaw Zam leh Thuklai suan Pi Ciang Ngo te sung pan 28.2.1958 in Thuklai khua ah suak hi. Sanggam laizom pasal 2 leh numei 2 lakah a upen hi a, (1) Rev Vung Za Niang + Rev Dam Suan Mung, (2) Pa Siing Ngo (Peon), (3) Pa Thawm Mun Pau, (4) Sayamah Neam Khan Cing te hi.
1972 kumin Thuklai Baptist panin tuiphum na ngah hi.Nahnuai khua Rev Dam Suan Mung (Naulak) Thuklai Pastor tawh 4.8.1979 ni-in Thuklai AG Biakinn ah Rev Suak Za Go in pumkhat suak sak hi.
Topa thupha tanu khat leh tapa nih nei a,(1) Lia Dim San Lun (Bachelor of Science in Nursing)(2) Pa Vung Suan Khai (Bachelor of Science in Mechanical Engineering)(3) Tg Zam Sian Muang (Bachelor of Science in Business Management leh Bachelor of Science in Business Administration).
Sangkahna: (1) Tan lang pan tan sawm dong BEHS Thuklai, 1973 kumin tan 10 zo hi.(2) 1975-76 kum Teacher Training College Mandalay ah kah hi.(3) 1981-82 kum T.T.C (Mandalay) JAT kahin JAT sem suak pah hi.(4) 1982-84 kum Southern Asia Bible College Bangalore pan C.Th ngah hi. (5) 1992-94 kum Evangel Bible College Yangon panin B.Th ngah hi.(6) 2002-2004 kum Rhema Bible Training Centre USA panin Diploma ngah hi. Rev Hau Lian Kham tungtawn in 11.5.1975 in gup ngah kitel cian na ngah hi. 1977 kum ciang Khasiangtho sung kiphumna kamtuam pau ngah hi. 27.9.1977 ni-in khe guh cancer natna pan dam siangtho na ngah hi. 1977 kum bei kuan ciangin Baptist Pawlpi panin Assembly of God (AG) Pawlpi lut hi.
Nasepte: -1974-1982 sung PAT, JAT sem a, 1982 kumin sang sia pan tawp hi. -1984-1986 sung a pasal nasep na Grace AG Yangon ah kituah hi. -1986-1987 sung Kalemyo AG ah Sunday School panmun len hi. -13.9.1987 in Full Gospel Assembly Pawlpi Yangon ah kipan a, a pasal tawh kithuah hi. -2000 kumin Jerusalem nopsak nading thungen in va pai thei uh hi. -2003 kumin Tulsa Myanmar Christian Church ah Assistant Pastor sem hi.-2006 kumin Tulsa ah Full Gospel Assembly Pawlpi phut in Senior Pastor sem hi.
Thupha ngahte: -1998 kum Full Gospel Assembly pan Minister Licence ngah thei hi. -2003 kum The Worship Centre Global Ministries USA pan Minister Licence ngah hi.-18.12.2005 in Full Gospel Assembly panin Ordination ngah hi.-2000 kum panin leitung gam tuamtuam ah gospel & crusade bawl in lawhcing mahmah a, gupngah kibeh lap, ci na te’n damna ngahin Pawlpi thak zong phut kawikawi hi.
