Albert. Lun Pum
Pu Kam Lian leh Pi Zam Vungte ta 7 a neih sung panin a 3 na hi a, 5.2.1920 ni-in Khuasak khua ah suak hi. Tan 4 ciang Khuasak ah kah a, Tan 7 pen Tedim ah kah hi. Tan 10 pen Falam ah kah hi. 1941 kumin Yangon St. John’s College (BEHS 1 Lanmadaw) panin Tan 10 ong hi a, 1941 October dong Judson College ah a sang zom in Japan gal (2nd Word War) hangin tawlnga hi. Japan gal 1942-45 sung, 17th Indian Division te phuat Western Chin Levies sungah lut a, 1.3.1942 pan 31.10.1945 dong sem hi.
Tua asepna panin ( 1 ) Burma Star, (2) Defence Medal leh (3)
Victory Medal minphatna ngah hi. Japan gal ven 1946 ciangin
Rangoon University ah kah kik a, 1949 kumin B.A degree ngah
hi. Sizangmi Thuantak suan sungpanin degree a ngah masapen ahi hi. 27.1.1950 pan 18.11.1951 dong SHS Thuklai ah Syapi sem
hi.1952 panin gam vaihawm dingin kipia a, 1952 kumin Southern Tedim panin Member of Parliamentary (MP) hong ngah a, Chin Affairs Council Chairman hong sem hi. 1956 kum ciangin Tedim panin MP kitel na ah hong ngah kik a, Chin Affairs Council Chairman mah sem kik hi.
Tua khit ciangin (Lezami Naingnganpai Phuylohzi Wingyi) hong ngah to hi. 1958 kum galkap te uk(Eain Saung Ashuzah) dong sem hi. 1960 kumin Phitaungsuh Party Thanah Lunge Ziza President ngah a, 1962 kum galkap te ii Political ciang party abei sak dong sem hi. 1961 kumin B.Ed degree ngah thuah a, 1961 pan 1980 dong SHS-2 Bahan, SHS-1 Latha, SHS-6 Botataung ah Manglai hilh in SAT sem hi. 29.11.1968 pan 31.3.1973 dong Revolution Army Council Chairman General Ne Win ii “Thu dotpi 33” sungah kihel a, Kawlgam Gam vaihawm te kikup na ah na kihel thei hi. 7.6.1980 kumin Naingngan Gongzi Pathamah asenminphatna ngah hi. Political pension leh sangsia pension ngah khawm hi.13.9.1999 in leitung nusia hi.
Zileta: 8-3-1944 ni in Khuasak khua Pu Vum Sing le Pi Vum Nuamte’ na nu Nu Ciang Khaw Ciin tawh kiteeng a, tapa thum leh tanu 5 nei hi. (1) Nu Vung Kho Pau,(2) Nu Nuam pau, (3) Pa Lian Za Thawn, (4) Pa Lian Khan Cin, (5) Tg Lian Cin Nang, (6) Daw Sing Khaw nem, (7) Daw Huai Cing, (8) Daw Cingh khan Neam te ahi uh hi.
