Ciang Za Dim

Thuklai suanh, lunmun tuu, Mangzong bawng Pu Vum Zam leh Pi Vung Lian te ta 5 a neih sung panin a 3 na hi a, 20.3.43 ni-in Thuklai khua ah suak hi. 1964 kumin B.A degree ngah a, tua kum ma in Thuklai SHS ah SAT sem hi. 1965 kumin Burma Socialist Programme Party ah lut a,1970 kumin ah kah hi.

1971 kum amasa bel akiphuan ah kihel a, research section ah chairman sem hi.1985- 1988 kumin Dawbon Township panin Hlutdaw Kusale (M.P) in kitel hi. 1974 kumin USSR ah ahizong,1986 in Sen gam ah ahizong pai hi.1988 kum ciangin Naingnganzi nasepna panin tawlnga hi. Ama pen biakna lam zong ahanciam mahmah khat hi a,1975-1984 dong Rangoon Evangel Church ah Secretary sem hi. Singapore Asian Theological Center of Evangelist and Mission ah Laisiangtho sin hi.

South Korea, Seoul Yoido Full Gospel Church te International Fasting and Prayer Mountain ah ni 40 anntang in pai hi. Apu apa neihsa khempeuh Assembly of God Church, Myanmar ah pia hi. Yangon Baptist Church (St. Phillip) building pen Education Department te khut sung panin Anglican te khut sung a tunkik amah hi. Anglican te tungpan kilei kik hi. Amah tulaitak Australia, Melborne ah teeng hi.

Sanggam laizomte: (1) Major Khai Za Pum, (2) Nu Vum Khaw Cing, (3) S/m Ciang Za Dim, (4) Pa Hau Kam, (5) Pa Kiim Cin te ahi hi.

Gualzawhna te: (1) 1985-88 dong Dawbon Township Hlutdaw Kusale (M.P) hi aa, Zomi sungah numei (M.P) masa pen ahi hi. (2) 1965 kum Pha-an khua a ki bawl “Kawlgam bup ni” ah Zogam bup tang mi in pai hi. (3) 1967 kum Zominam ni Tonzang ah hong pai galkap ulian te tawh thugen khawm aa, Thuklai + Thangmual mawtaw lam leh Thuklai zato Health Center pan Station Hospital asuah nading ngen hi.(4) Singapore Laisiangtho kah sung “Chin Christian Challenge to the World” cih thulu tawh lai-at hi. (5) Thanpinkong inn pan Pale Myothit ah akituah ciang inn leh mun neih leh lam khempeuh hawm siangin Bem tawh Pale Myothit zuan hi.(6) Lanyin Lunge ah asepsung khangnote nasep leh pilna ding tawh kisai laibu tampi bawl hi.