Pa Cin Khan Khup
Pu Sian Khen Thang leh Pi Tel Dim te tapa hi a, 1.9.1947 in Tuimang khua ah suak hi. A zi Siamah Dim Ngaih Cing (JAT) tawh a khan kum 27 a phakin kiteeng uh a, tanu 1 leh tapa 4 nei uh hi.
Sangkah na: SPS Tuimang, SPS Tuimui, SPS Mauvom ah kah a, 1960 kumin Tan IV zo hi. SMS Tuimui ah 1964 kumin Tan VII zo hi. Tedim SHS ah 1966 kumin High School Final zo hi.
Nasepna: 1967 pan 1972 dong Falam leh Tonzang ah Revenue Surveyor sem hi. 1972 pan 1982 dong Tonzang ah a khan kum 25 a phak-in Township Lanzin Youth Committee ah Secretary sem hi. 11.1.1977 in Tonzang Myone Party Unit Committee ah telcing a, tua hunin a khan kum 29 pha hi. Pyituh Hlutdaw Kusale (MP) dingin telcing ahih manin Tonzang Myone Hlutdaw Kusale sem hi. Tua kumin a khan kum 30 pha pan a, Kawlgam bup Hlutdaw Kusale lak panin amoi pen ahi hi.
Tonzang ah: 1. Party Section-Secretary, 2. Township Co-op. Secretary, 3. Lanzin Youth Secretary, 4. Taungthu Letama Asia-yone (Farmers’ Organization) Secretary, 5. Party Unit Member, 6. Party Unit Secretary semin 1978 pan 1981 dong Pyituh Hlutdaw Kusale leh Hlutdaw Tabapatih (Chairman) sem hi. Falam ah October 1967 leh November kha ni 20 sung Revenue Surveyor sem hi. 1983 pan 1985 dong Land Records Department ah Inspector sem hi.
Tedim ah: 1985 May pan 1995 January dong Township Land Records Zumpi ah sem hi. 1992 pan 1994 dong Mah-wah-tah (TLORC) Secretary sem hi. February 10, 1995 pan tuni dong Dagon Myotit Township ah Land Record Officer sem a, Myone 4 sai hi. Tonzang, Tedim leh Dagon Myotit ah inn nei kim hi.
Gualzawhna: 1995 kumin Pyituh Wunhtan Kaung Medal ngah hi. Party Council hun leh Nah-wah-tah (SLORC) hunin Tonzang gam leh Tedim gam uk tavuan nei hi.
Tenna: South Dagon Myotit, Yangon.