Pa Dal Za Khup

Pu Do Za Kham (Taithul) leh Pi Niang Khaw Hau (Sukte) sung pan 27.7.1926 kumin Tedim gam Thangzang khua ah suak hi. 1949 kum ciangin Tedim Zomi pilna sang kipawl na ah manglai sia JAT sem hi. 21.8.1951 kum ciang kumpi lam panin manglai sia JAT taktak kipia hi. 24.7.1953 pan 20.4.1954 dong Teacher’s Training College Mandalay ah sangsia sin hi.

1957 kumin Matric ong hi. 26.5.1958-1967 kum dong BEMS Gamngai leh Tuithang Tlau Mun ah Middle Head sem hi. 11.6.1967 ni pan Tedim myone Ahlohtama Ashi Azone ah secretary sem hi. 21.1.1974 ni pan Chin State Judges Members Part time sem hi.

29.4.1977 ni pan Chin State EC Members sem hi. 29.4.1981-85 EC Member. 1985 kum ciangin kumpi tan giat siapi pan hitaleh State EC Members pan hitaleh kum cing tawh pension la in tawlnga hi. 1986-1998 dong Tedim Cope Memorial Baptist Church ah Pawlpi upa sem leuleu hi. Tua sung mahin Baptist Theological School ah zong sang makai kipawlna ah Chairman sem hi. 12.6.1947 ni-in Nu Dim Khawm tawh kiteeng a, tapa 4 leh tanu 5 Topa in pia hi.

Tanu tapa te: (1) Pa Kham Go Pau (B.Sc, BRE) + Nu Vung Khan Dim (Nurse). (2) Rev.Thawng Khan Cin (B.Th, BD) + Nu Ning Khaw Hau (B.Sc, BE.d, BRE).(3) Pa Hang Khan Lian (M.Sc) + Nu No Reen Hung (B.Sc, BD).(4) Pa Khup Khen Kap (B.Sc) + Nu Niang Khan Huai (BA).(5) Nu Dim Lam Niang (Matric-B) + Pa Pau Khan Khup (BA).(6) Nu Hau Man Cin (B.Sc, Nurse) + Pa Khual Cin Kam (B.Sc).(7) Lia Dim Ngaih Lun B.A (Eng).(8) Lia Ning Khen Cing M.A (Eng), M.A.C.S (M.I.T).(9) Nu Cing Lam Ciin (Dip.Th, B.Th) + Rev. Vung Suan Mung (B.Th, M.Div).