Pa Mang Za Lian
Pu Suan Pum (Ngaihte) leh Pi Cing Za Niang (Sukte) sung panin 9.9.1928 ni-in Tonzang khua ah suak hi. Nu Ngai Za En tawh tanu 3 leh tapa 5 nei uh hi. 1942 kumin SPS Tonzang ah tan 4 zo hi. 1945-1947 sung Private Anglo Veernacular Middle School Tedim ah tan 7 zo hi. 1950-51 sang kum St.Johns’ Diocesan Boy’s high School Yangon ah tan 10 zo hi.
Nasep na:-1951-1952 dong Tonzang St.Joseph’s A/V Middle School ah sia pisem hi.-1952-1953 dong Tonzang Private A/V Middle School Tonzang ah sia pi sem hi.-1953-1964 dong Tonzang State Middle School ah kumpi JAT za tawh sia pi ka sem hi.1966-1985 dong Lungngo, Gamngai, Tuimui leh Cikha Middle School Head sem kawikawi hi. -1985-1988 dong Chin State People’s Council Inspection Committee Member sem hi.
Tate teng: (1) Nu Niang Khan Lun + Pa Kai Suan Mung (Samte),(2) Pa Pum Khan Kham + Nu Nian Khen Cing (Gualnam), (3) Nu Niang Go Mang + Pa Gin Suan Mung (Gualnam), (4) Pa Pum Lian Khai + Nu Ciin Deih Cing (Bawmkhai),(5) Nu Cin Khan Ciin + Pa Cin Lam Mang (Songput), (6) Pa En Hau Thang + Nu Ning Khan Lun (Gualnam), (7) Pa Lal Cin Lian
Zola phuah te: Siapi Vung Cin thang a phuah hi;(a) Ngai tui suan hoih, Ngai tui khak pha, lun tawi pu cit hang aw ee,(b) Na nua ciang ah, Ngaih za tam tawh, min va bang thum thum ing ee,
Pa Do Khan Pau a phuah hi;(a) Zang tui vang khua, mi za lai ah, von pau in ka, lai kuai ee,(b) Lai kuai lung zuang, sul hei ing, ih vang khua ah, heh vei luan khi nu ling ee,
Gamnagi inn pi nu Pi Kai Za Ciin in Siapi Mang Za Lian a phuah hi; (a) Hawl dam sih tui, vang khua lai let ee, Ngal liam nang sin, lai gel siam sang ee, (b) Ngal liam nang sin, Lai hawm siam sang ee, sei no ten tuu bang, ciin ding aw ee,
(a) A mi pawh za, in tam na ven, tem bang deih sak, om hi ee, (b) Tem bang dei sak, sau ki phei suan, lum suang phuh bang kho hen aw. Sangsia sepna peuh ah lailam bek hilo khantoh nading mawtaw lam, tui nekding a tuamtuam makaih hanthawn ahih manin ki it mahmah laa dawng tampi ki phuah lai hi.
