Ukpi Thawng Za Khup
Ukpi Pu Do Tual leh Pi Pum Khaw Man te tapa hi a, March 15, 1907 in Saizang khua ah suak hi. A zi pi TelZaKaihia,tapa3lehtanu3damhi.1.PuTualKhaw Mang, 2. Pu Lian Khan Thang, 3. Pu Nang Cin Pau te ahi
hi.
Sangkah na: 1924 in Government Middle School Mawlaik pan Tan VII zo a, Kawllai siam mahmah hi.
Nasep na: Tedim ah Manglai sia a sep sung 1928 in apa si a, sangsia pan tawpin ukpi sem hi. Mite makaih thei a, pawl leh lawm huai mahmah hi. Pilna a thupina thei ahi manin inn mun lo gam zuakin leiba-in a nau te sang kahsak hi. Western Levies ah makai hi. Coy.Commander ahih mah bangin gal kikapnaPimpih, Dolluang leh mun tampi ah makai hi. Zogam suahtak nang a vaihawmna hangin Japan mangpa in thah dingin nihvei thusit a, Pasian hehpihna leh
a dawn siamna hangin suakta hi. Japan ukna sung pan suahtak nangin Sukte Independence Army phuan sim hi.
14.9.1944 in Manipur nitumna lampan honggalkah S.I.A galkap te tawh Mualbem, Yangon, Sialtaak, Saizang, Phaileng khua khung leh Suahlim te a om Japan te nawhkhiat na-ah kihel a, tua hangin ATM minphatna ngah hi. Panglong Conference ah Zomi te taangin letmat thuh hi. Nyaung- shwe a Hill Peoples’ Congress kikhopna leh Rees Williams Inquiry Commission, Maymyo ah kihel hi.
Ukpi hun kilaih-in siah leh bum kaihna a kimudah a kideih loh hangin, tuate in Pu Thawng Za Khup a lok zo kei hi. Suahtakna ngah khit ciangin zong Hausa leh Circle Chairman in kitel suak lai hi. A piang khempeuh a hoih lamin mu thei hi. 1935 in a uk sung mi pawlkhat in langpang a, ama’n la phuak hi. (a) Siallum leh kawlciang tawi lobuang ka do phung zatam aw;(b) Pupa khan a do zatam zong lem siam khang vaimang hi.
A nu sih-a a la phuah: (a) Na pai ve aw tun leh ka zua lengvan ah mun muang ve aw; (b) Kei zong sim leitung tul lo dia, tuangtun muang zaw ve ning e, ci hi. A nau pa Menzi Pu Thawng Cin Thang zi, Pi Niang Khaw Mang sih-a a phuah, (a) Simlei kuam luah ding mi om lo, kei zong pham zaal ding hi’ng e;(b) Thangvan sau sah tuang kong tun ciang, laambang pak a, sangbang no din, tuai Niiang na pai masa aw.Ukpi Thawng Za Khup in May 18, 1966 ni-in Falam zatopi pan leitung nusia a, Saizang ah Zo ngeina tawh kivui hi. Sai 1, Zangsial 3, Saza 1, Lawi 4, Sakol 1, Sial 15, leh bawng 18 keng hi.