Dimzang Khua
- Khua min vawhna thu
Nidang hun in tulai Dimzang gam teng pen Tuitaizang kici masa hi. Dolsing tam pona mun ahih manin kuamah ten nadinga kiphal vetlo gam ahi hi. Revolution Council Kumpi a hong khan ciangin Tedim Party Unit Zum leh Tedim Township People Council Zumpi pan in phalna tawh khua a kisat theih ciangin Tedim gam sunga om Zanggam ahihna kitamh sak in Dimzang khua kici hi, ci-in Pu leh pa thukan te in na ciamteh uh hi.
- Khuasatna thu
1962 kum Revolution Council Kumpi a hong kah ciangin ‘Zang gam khempeuh lokho thei ding’ cihthu a om sak uh ciangin Pu Ngul Za Go in tulai Dimzang gam; Tuitai lui leh Sumkuang lui kikal teng lo a zuan masa phot hi. A pawlteng Pu Lam Khaw Neng, Pu Ngul Suan, Pu Neng Suan, Pu Zel Khan Thang, Pu Vung Za Go, Pu Hen Za Gin leh Rev. Neng Khaw Gin te in kum khat khit ciangin taisan mangkik uh a, Pu Ngul Za Go leh Pu Ngul Suan tegel bek, a buk sung tuak uh ah, kum guk sung a tolten tuakphot uh hi. 1968 kum teh Gualnam Pu Ngul Suan, Naulak Pu En Za Chin, Pu Hen Za Gin, Tawmbing Pu Kham Za Thang, Samte Pu Chin Khual, Naulak Pu Ngul Za Dong, Naulak Pu Go Cin leh Pi Nem Khaw Cingte in Sumkuanglui gei mah ah, “Sumkuang khua” nasat leuleu uh hi. 1969 kumteh Sumkuang khua panin Pu Ngul Za Go deihsakna tawh Pu En Za Chin leh Pu Hen Za Gin te makai in Tuipi lui gei ah “Dimzang khua” ci-in khua sat uh hi.
- Beh om teng
- Gualnam
- Hautual
- Naulak
- Phaipi
- Phiamphu
- Sukte
- Soote
- Hawngsawk
- Vangaw
- Samte
- Pawlpi om teng
- RCM
- ABM
- Yahweh
- ECC
- BCBC
- EBC
- SDA
- AG
- UPC
- NAC
- CJC
- CBC
- Sanginn : Basic Education Middle School
- Zato : Sub RHC (7.7.2015)
- Inn phazah (2023) : 178
- Innkuan phazah (2023) : 178
- Mi phazah (2023) : Pasal (440) + Numei (445) = 885
- Thu tawk nate
- Pu Pum Za Khup, hausa
- Public Health Department record file, Tedim Hospital
- Schools Profile, Basic Education Department – Tedim Township
- Lethil Innkuan Laibu, 2022
