Lasiam B. Muan Ngaihte

Minpi – Thang Lung Muan

Khua lui – Bungpilon

Suahni – 10th October 1990 (Documents ah 10th October 1993)

Pilna – BA (Pol.)

Pianna Tuun le Zua: Tual Khan Pau leh Man Za Ngai

Sanggam Laizom te Min: – Thang Thian Song – Kham Khan Suan – Lang Lal Zon – Niang Deih Ching

Ukna (Hobbies): – Makai tetawh holim

LST bulphuh: – Late 55 : 22 ” ” Topa tungah na vangik nga in, amah in hong huh ding hi. Amah in mi thumante kilingsak ngei lo ding hi.”

GZC Q1. Dotna hong dong hipah ung, Music sung na kidiah zawh asawt ta na?

BM : Laaphuah / Laasak pen neutung pan kipan Sunday School, Biak Inn te ah kihel in, kidemna te ahzong na kihelto….. Aihang, Mipi lak ah kongsak taktak bel 2009 pan hi. GZC

Q2. Zomi sung kawlla, mangla leh minam dangte i la vasak pihthei le va tumpih theiding ih neih na angtang hiam?

BM : Zomi sung a Kawlla, Mangla, leh minam dangte laa sakpihthei leh tumpihthei ineihpen Pasian thupha taktak in kamu a, aangtang huai sa mahmah ingh….

GZC Q3. La na phuak ngei hiam, Na ladawng atsa te lakpan hoih nasak pen in bangla?

BM : Laa pen kasak leh saknailoh tawh 14 bang kaphuakta hi… Kasak te lakpan Zogam laa ah ZOTATE GIBANG KHEN ZONG leh Zawl Laa ah KHUAMBANG KIPNI cihte kalungkim hi….. Adangte zong veina leh iitna taktawh kaphuak hi in, hoihsa tek ingh.

GZC Q4. Zomi te koici kalsuan leng mailam ah music lam ki khangto theiding?

BM : Zomi te in, music lam a ih khantohna diing in Laaphuak te in Laamal hoihtak, beklo A Aw (tune) hoih lehpen Atum siam kihau mahmahta ahihman in khantohna omding hi…. Kacihna, a Laa Aw hoihlo pi pen muibun thei lo hi. Ban ah, Music tum zong nidang hun bang hinawnlo in Basic petmah tawh, kipan in… Staff notation mah tawh siamta ihihman in, tuamah bulphuh to lehang leitung level kibaan dinghi. Tuaban ah a kisam, Kipahtawi, kilapsang pen Zomite isiam nailoh thu hi. Kigensisat sang a Kilapsang isiam teh kikhangto dinghi.

GZC Q5. Music tawh a kisailo na gennop khatpeuh hong luikhia dingin hong thuum ungh.

BM : Music tawh kisailo ah, keipen Zomi a iit mahmah kahih mahbang in, Zomi te ih omna ih tenna atuam dungzui in awkaih, kampau tuam thei hi… Tuate pe Zomi te pau hi ci a ihsantheih a, Zomi sung kideidanna, kiciziatna, kikhentuamna te paikhia a, Unification Lungsim ineih a Kawlgam-Vaigam, Tuipigal a om Zomite ih pankhawm uh kalunggulh hi. GZC :- Koh zong lungdam lua , kahun geelte uh hong picin nahih manin, mailam ah na kalsuan na, nasep, nabawl khatpeuh ah Zomi te a laamsang zo semsem dingin hong lamzang toto laita in. Na Zomi pihte in hong angtang lua ungh maw.

SOURCE: Global Zomi Celebrity pan Facebook Page