Tg. Cin Suan Thang@Cinpi
Tg. Cin Suan Thang @ Cinpi pen Pa Nang Pau (Guite) leh Nu Ngin Za Cingte’ sung pan in 17/6/1989 ni in Tk, Suangpi khua-ah suak hi.
Sangkahna: Tang lang pan tan li dong SPS, Tk, Suangpi khua, tan nga pan tan giat ciang, SMS, Valung, Falam township, tan kua pan tan sawm ciang, SHS, No.2, Kalaymyo ah pilna sin hi. Tan sawm a kah khit ciangin nuntakna haksa ahih manin India gam ah sum bawl in pai hi. Tua khit ciangin Malaysia ah pai a, tawl khat sung a om khit ciangin USA ah va tung thei hi. Tua laitak in Tulsa, OK, USA ah om hi.
La tawh kisai: La uuk mahmah in aman hunhun in la phuak zel hi. 2010/11 kumin Malaysia Zomi Idol kidemna ah Malaysia Zomi Idol ngah hi. Owntune, ama phuah ngiat la dawng za val khin a, pawlkhatte khui sungah ki khum in phatna leh biakpiakna ah zong akisa pawl khat om khin hi. Single Album 2 khum khin hi. (1)Ka belh Suangpi leh (2) A Piang Bang Bangte ahi hi. Studio ah a la phuah dawng 35 bang om ta hi. Midang Album (6) sungah la sa ki hel thei hi.
