Rev Dam Suan Mung (D.D)
Nahnuai khua Rev Tun Za Vung (Naulak) leh Nu Ciin Dim te sung panin Sagaing Division Kalay myone Nahnuai khua ah 5.9.1956 kumin suak hi. Sanggam unau numei pasal thum lak ah nau tum pen ahi hi. A pa nusiat in a nu gil sungah kha li bek pha pan hi. Anu nusiat ciang zong kum 9 pha pan aa, tagah te lak ah tagah lubawk ka hi hi. A u sia Hau pi kum 16 le a u nu kum 12 pha pan uh hi. 1.11.1974 ni-in zeisuh khazih ka gum pa leh ka topa in sangin gup ngah kitel cianna zawhang 1:12 tung tawn in kangah hi. 1976 kum ciang kha siang tho sungah ki phumna ahi kam tuam pau kangah leuleu hi. Hih kamtuam pau pen luka 24:49 sung a Pasian hong kamciam hi a, kangah ni akipan kha mangthang veina hong khang pah hi.
Ka nuntakna ah Pasian hong geelsak na ka tel semsem ciangin, Pasian in ama nasem dingin hong sapna ka tel leuleu hi. 1976 kum A.G.T.I kah kim lai Pasian sapna bangin hunbit in ka kipiaa a, 1977 February khain A.G.T.I sangpan ka tawp hi. 1977JunekhacianginTedim gam Thuklai khua ah Senior Pastor dingin ka pai hi. Kum 2 kasep khit ciangin Pasian gelna om sa bang mahin kei ading ahoih penpen sayama Vung Za Niang tawh 4.8.1979 ni-in Rev Suak Za Go in pumkhat hong suak sak hi. Pasian lamlah na bangin 1980 kumin Southern Asian Bible College ah kakah hi. Kum 2 ka zawh teh sayama Niang sam dingin kaciah hi.
Pastport neilo, sum neilo, hong huh ding neilo upna khat bek tawh ka tung kik uh hi. Kum 3 na kumin Pasian in Vision hong pia aa, “Kawlgam pen Zeisu Topa a bulphuh gam suak ding hi”. Tua khit teh kawlgam khuapi yangon ah Pawlpi phut ding, “Zeisu Topa bek muang aa, kha siang tho tawh aki dim Pawlpi mi tul sawm nei ding” cih ngah leuleu hi. Tua zawh teh “Mi phuh sa Pawlpi kem lo ding Pawlpi thak ngiat phut tawm ding” tua makaih ding cih ahi hi.1984 kum siate nupa SABC sang pan degree ngahin hongciah aa, Pasian piak Vision te 1987 kum ciang genkhia pan hi. 13.9.1987 ni-in Pasian lamlahna om bangin yangon khuapi sung Daw Zam Cing te inn bulphuh in “Full Gospel Assembly” Pawlpi kipan hi. Mi a tawm hangin kikhop sial in nalamdang piang aa, cina te dam, dawi hencip te suak ta, kha sungah suahtakna kingah hi.
Pawlpi kalsuan zia: (1) Kha thak nikhat ni pan ni sawm ni dong 9:00 AM-4:00 PM dong antan thunget nei hi. (2) Full Gospel Bible Traning Centre 1996 pan kihong aa, 2016 kum ciang 20 cin lungdam kiko hi. (3) State/Division (10) sungah sangmang 36 kipuak khia in, Pawlpi kiphut hi. (4) Pawlpi innphazah (31.8.2017) ciang inn 898 leh Pawlpi mimal 15644 pha khin hi. (5) Yangon Division sung myone (25) sungah evangelist sia (53) leh Laisiangtho sangnaupang te kithuah in lungdamna thu gen uh hi.(6) Full Gospel Assembly Yangon Pawlpi ah khasum sang hunbit sia (93) om hi.(7) Full Gospel Assembly Pawlpi America, Australia, Singapore, Malaysia gamah om hi.
Tanu tapa te:(1) Lia Dim San Lun, Bachelor of Science in Nursing (2) Tg Vung Suan Khai,Bachelor of Science in Mechanical Engineering, (3) Zam Sian Mung, Bachelor of Science in Business Management, Bachelor of Science in Business Administration.
