Rev. Dr. Do Suan Mung (D.D)

Pa Thawng Khaw Tuan leh Nu Nuam Ngaih Cing te sungpan April21, 1955 (Thursday)ni-in Tedim khua ah suak hi. Unau numei pasal kua lakah angana ahi hi. 1961 kumin Zomi Baptist Academy (ZBA) sangah sangkah kipan a, tua sangah tan nih ciang kah hi. A tan nih kumin a khan sungah a khat na ngah ahih manin Lai Siangtho Thak bu khat kipia a, laipilna tawh kisai-in a ngah masak pen pahtawina ahi hi. Tan thum panin tan sawm dong State High School (1) ah pilnasin hi.

A tan giat kumin English distinction tawh zo ahih manin Nu leh Pa leh Siate kipawlna pan Dictionary bu khat kipia hi. Tan kua leh tan sawm ah Luyechun ngah hi. A tan sawm kumin Physics distinction tawh ong hi. Mandalay Arts and Science University ah Chemistry major tawh pilna sin beh a, 1977 March kha in B.Sc ngah hi.American gam a om San Francisco Baptist Theoloical Seminary ah 1981 pan 1985 ciang Lai Siangtho sinin, 1985 kumin M.Div ngah hi.

Hih Lai Siangtho sangah a kah sungin sang board pana kipia ‘thuhilh siampen pahtawina’ (Spurgeon Award) leh University of Massachusetts pana kibawl gambup Greek siam kidemnate ah paitawina sang (High Honors) ngah ngei hi. 1986 kumin Kawl gam ah hon ciah kik- a, September 1, 1986 ni-in Tedim khua ah Faith Baptist Bible College phuan hi. February 22, 1987 ni-in Leilum EBC kumcin khawmpi panin tuiphum sia (Ordination) kipia hi. Pasian nasepna ah gual zawhna tuamtuam te hangin America gam, Pennsylvania State, Clarks Summit khua a om Baptist Bible College and Seminary panin May 12, 2000 ni-in Doctor of Divinity (D.D) kipia hi. August 11, 2003 ni- in Yangon ah Faith Baptist Theological Seminary phuan hi.

Tedim le Yangon a om Lai Siangtho sang nih te ah siapi asep kawmin EBC gambup kipawlna ah zong president panmun kum sawm tang bang sem khin hi. May24, 1986 ni-in a zi Niiang Ngaih Ciin tawh Topa sungah pumkhat suahna nei uh-a Pasian thupha tanu khat Lydia Cing San lun leh tapa thum, David Tuan Sian Sang, John Hang Muan Lian, Daniel Thang Lam Kim te nei uh hi, Tu Laitakin Yangon ah teeng uh hi. Laibu bawlte:(1) Tapidaw Pawlpi leh a upna taangthu … … …2005,(2) Puak kawikawi theih Laisiangtho sang … … …2011, (3) Tapidaw Pawlpi leh a upna taangthu (kawllai)(4) Rev Dr Do Suan Mung thuhilhna te Volume I … … …2014.

Leave a Reply 0

Your email address will not be published.



PARTNER

error: Sanggam, Na Copy sangin hong share sak zaw ve,