Rev. Dr. En Khan Kham (D.D)
Rev. En Khan Kham pen Pa Thawng Khaw Tuan leh Nu Nuam Ngaih Cing te tanu tapa kua sung panin a thumna hi-in, September 12, 1950 in Tedim khua ah suak hi. 1974 kumin kha khanlawhna tungtawnin gupkhiatna thu telin piangthak khamuanna ngah hi.1968 kumin Tedim SHS pan tan 10 ong hi. 1968 pan 1972 ciang MandalayArts and Science University ah sangkah in 1972 kumin B.Sc (Physics), Dintinction 5, Credit pass tawh ong hi.
1972 kum June kha in Rangoon Arts and Science University ah M.Sc (Physics) zom suak hi. Final Part II a kah laitak, 1974 kum, December kha in Kawlgam bup sang khempeuh a kikhak ciangin a sangkah maban zom thei nawnlo hi. 1975 pan 1995 dong, kum 21 sung Myanmar Oil & Gas Enterprise (MOGE) ah Exploration Geophysicist sem hi. 1985 kumin Japan gam, Tokyo leh Tsukuba khuate ah kha 10 sung Offshore Prospecting Course kah hi. 1995 kum July kha in, Rev. Dr. Neng Khan Thang tawh Zangkong ah, Grace Baptist Church (GBC) leh Grace Baptist Theological Seminary (GBTS) phuankhia uh hi.
Asia Baptist Theological Seminary Extension Course kahin, 1997 kumin Master of Christian Studies (M.C.S) a ngah masa pen nih lakah khat ahi hi. 1999 pan 2004 ciang, Bob Jones University, Greenville, South Carolina, USA ah sangkah in, 2004 in Master of Divinity (M.Div) ngah hi. 2004 kum nunung lamin, Kawlgam ciahkikin, GBC leh GBTS ah anasep maban zom hi. 2004 Fall Semester panin GBTS ah, under-graduate course, B.Th ama tavuan laak dingin behlapin, tua a kipan GBTS pen GBTC&S (Grace Baptist Theological College & Seminary) ci-in amin laih uh hi. 2005 EBC gambup khawmpi, Tedim ah ordination kipia hi. 2012 kum EBC gambup khawmpi ah General Secretary (GS) in kitel a, tua a kipan EBC Pawlpi omna khuate ah ahih theih zahin vaan kawikawi hi.
2013 kum Tonzang Delegate sivuai ah, EBC bambup in, mission nasepna nakpi-in sep ding hanthawnin, khangno tampite Pasian ading kipiakhia uh hi. Tua mission nasepna tuni ciang dong kizom suak lai hi. A zi, Nu Niang Lun Cing tawh tapa khat leh tanu nih nei uh hi.1. Tg Tuan Sian Khai Matric pass. 2. Lia Cing Hau Vung MBBS (Yangon) 2004 kum tansawm (4) Distinction. 3. Lia Cing Don Nuam Randolph College Lynch Burg VA, USA. 2010 kum tan sawm (3) Distinction.
