Rev Dr Go Za Kham (D.D)
Pu Kam Zam leh Pi Cing Za Huai te sung panin 15.4.1930 ni-in Tonzang khua ah suak hi. Nu Ngan Fung tawh 7.7.1957 ni-in kiteeng uha, tapa (6) leh tanu (1) nei uh hi. 1944 kumin tui kiphum hi. 1968 kumin piangthak gupngah kitel hi. 5.2.1978 ni-in tuiphum sia ordination) kipia hi. 1949-52 kum Tedim sangmang pa Rev F.ONelson phuat Laisiangtho sangkah a, Dip.Th ngah hi. 1991 kum Faith Baptist Bible College of Seminary pan Honorary Doctor of Divinity (D.D) kipia hi.
Pasian nasep na: Tedim gam tuiphum pawlpi sungah vakkawn sia Rev Tun Za Langh tawh kum 2 sung sem hi. Kum khat sung lung vakna editor sem hi. 1954-1968 dong SDA sungah Pastor
sem hi. 1962 kum Oswald J.Smith gelth, “The Salvation of God” tungtawn in hehpihna bek tawh gupna kingah lam tel hi. 1974 kum ciangin E.B.C pawlpi phut masa te lak ah kihel hi.
Tuni dongin makai pi sem hi. 1985 kumin US ah kisam in States 27 ah hawhsak kawikawi a, pawlpi 300 val ah thugen sak uh hi. A ma mission tawh thuhilh sia 38 khahkhia hi.
Tate teng:(1) Pa Kham Lian Khup + Nu Cing Do Nem, (2) Pa Zam Khaw Pau + Nu Chit Chit May, (3) Pa Ving Khan Thang, (4) Nu Huai Khan Dim, (5) Pa Thawn Za Tuang + Nu Don Suan Vung, (6) Dr Pau Cin Khai + Nu Cing Hau Dim, (7) Tg Zen Lian Thang
