Rev. Dr. David Go Lian Suum, DWS

Pianna: Sia Hang Khan Pau (ATEO, Muse) le Nu Dim Zam Cing te sungpan December 16, 1974 in Mandalay khua ah suak
hi. Unau nih pha uh uh a, anau pen Lia Zam Man Niang hi.

Kumpi Sangkahna:1981-1985 Tanlang pan tan4 dong, State Primary School No.2, Myoma, Tedim, ChinState. 1986-1993 Tan5
pan 10 dong, Basic Education High School, Sakollam, Tedim, Chin State. (Tan 8 asin laitakin 1988 Kawlgambup buaikum tawh kituak hi. Tan 8 pen Mathematic tawh Distinction ngah in Science tawh high school zom hi. Tan 10A list tawh zo hi.)

Lai Siangtho, Music, leh Worship Sangkahna:1993-1997 B.A (Bible- Theology), Evangel Bible College, Yangon.- “Academic award” leh “Leadership award” tawh ngah khawm hi.1997-1998Associate in Advanced Christian Ministry, Victory Leadership Institute (tu‘nEvery Nation Leadership Institute min tawh kilaih hi), Manila, Philippines. 1998-2001 MCM (Master of Church Music, major in Conducting & Ministry), Philippine Baptist Theological Seminary, Baguio, Philippines.- Sang kah sungin asang mah ah music hilh kha hi. Major nih tawh sang man a, “Musicaward” tawh ngahkhawm hi.2010-2011M.Div (Master of Divinity, major in Pastoral Study), Myanmar Evangelical GraduateSchool of Theology, Yangon.2012-2015DWS (Doctor of Worship Studies), Institute for Worship Studies, USA. – Zomi sungbek hilo, Kawlgam bup ah Biakpiakna (worship) tawh doctorate degree ngah masa pen ahi hi.

Training, Seminar leh Conference kahngei thupi zawdeuhte: January 2000-Authentic Praise and Worship Module, Banner of Christ, Manila, Philippine. April 2005-Advanced Leadership Seminar, Haggai Institute, Singapore.Summer 2006-Hillsong Conference, Sydney,Australia.Summer 2007/2009/2011/2013 National Worship Leader Conference, Kansas, USA.January 2014 -Worship Symposium, Grand Rapids, USA.

Biakna sungah Kihelnate:– Aneu lai-in Tedim khua CMBC pawlpi Elizabeth Cope naucinsang, Myoma BYG (Baptist Youth Group) leh Bethel AG pawlpi Nipi sang pan in khangkhia hi.- Bethel AG ah Junior II class ah Nipi sang sia sem in, YF (Youth Fellowship, Myoma) ah makai sem hi. Music tawh khangno te makaih in pawlpi sungah lawptakin kihel den hi. – Bethel AG Pawlpi ah assistant choirleader nasep tan 9&10 akah sungin sem hi.- Yangon ah Evangel Bible College leh Grace AG ah music, worship, choir nasepte huhin sem hi. – Philippine sang akah sungin aki helna pawlpi ah College & Young Adult Nipi sang hilhin, musicle worship ah pawlpi sung a siate tawh makaih khawm hi. Tua ban ah Philippine gam sungah musictawh kisai thusinna tuamtuam neihpih hi.- Philippine sang aman aki panin ahihtheih bangin gamsung, gampua ah thusinna pia kawikawi hi.A diakdiak in music leh biakpiakna ah makaihzia asiam nailo te veidiak hi.

Zi Neihna:January 10, 2004 ni in Sia Tun Za Siam leh Nu Zam Za Cing te tanu Lia Man Zen Niiang (Dip. In Ec; B.Sc (Phy); Dip. in Church Music; Postgraduate Diploma in Arts) tawh pumkhat suahna nei uh hi.

Phatna le Biakpiakna tawh Zomi sungah nasepnate:Kawlpau leh Zo pau tawh phatna leh biakpiakna (live worship) te veina tawh sem hi. Phatna le biakpiakna tawh kisai gamsung, gampua ah zong ahih theih bangin thusinna pia kawikawi hi. Zola tawh phatna le biakpiakna (live worship) te inntek pawlpi leh kipawlna tuamtuam te tawh a makaih khop CD/DVD te anuai a bang ahi hi.1) Zeisu Pahtawi Ni (Rev Dr Chin Do Kham & Canaan Innkuan, Kalaymyo) – 2000(Phatna le Biakpiakna kikhum masa pen – CD)2) Worship His Majesty (Agape Ministry Center, Kalaymyo) – 2006(Kawlgam ah Zomi te live worship masa pen – CD/DVD)3) Evangelistic Live Worship (Zomi Christian Fellowship, Malaysia) – 2007(Malaysia ah Zomi te live worship masa pen – CD/DVD)4) Topa Ka Phat Ding (Aizawl AG) – 2008(India gam ah Zomi te live worship masa pen – CD/DVD)5) Jesus Loves You (Zomi Community Church, Ft. Lauderdale, Florida) – 2009(USA ah Zomi te live worship masa pen – CD/DVD)6) Zeisu in Topa Hi (Rev Dr Chin Do Kham & Zomi Christian Fellowship, Tulsa) – 2011(Tulsa a pawlpi khempeuh kigawm khawm a Pasian Phatna – CD/DVD)7) Change (Tedim Section AG Khangno& Rev Dr Go Chin Zam) –2014 (Tedim Section AG gam sung, Laaitui khua a kibawl Khangno te Pasian Phatna – DVD).

Nasepna te:1.Full time minister, Grace Assembly of God (GAG), Yangon (1997).2.Music Director, Grace Assembly of God, Yangon (2001-2002)- Kumkhat khatvei kibawl Grace Music Seminar pen 2002 in kipan khia hi.3.Founder & President, Grace Music Institute (GMI), Yangon (2002 – present)- Kawlgam ah minam kim, pawl namkim kahtheihna music sang masa pen hi.- GMI recording studio pen 2007 in pan khia hi. Pasian minphatna late thoh zelzel hi.- GMI mission ading in 2010 in inn khan (5000 sq. ft) leh 2012 in leitang acre 2 nei hi.4. Convenor & Director, Zomi Bup Pasian Phatna Pawipi (Zomi Festival of Praise ), 2005-Leitung ah a om ngeinai lo, Zomite’ tangthu ah atullo ding, Nov. 30-Dec. 2, 2005 sung Tedimah akibawl pawipi ah mi 4000 aw tawh “Hallelujah Chorus Lapi” sakna ah makaipi sem hi.5.Senior Pastor, Grace Assembly of God, Yangon (2009 – present)-Pawlpi founder te khit ciang khangthak sung pan pawlpi kem sia asem masa pen hi.-Mission nasepna tangzai nangin kumsim January kha pen mission emphasis month in zang hi. 6.Music & Worship Director, Gospel Music Festival (GMF), Yangon (2010 – present)-GMF nasep pen 2010 in Yangon pan kipan a music leh phatna biakpiakna tawh lungdamna thugenna cialpi ahi hi.Back up choir mi 100/300/500 cih bang tawh phatnaleh biakpiakna makaih a, mipi a tul sawmsawm inkihel hi.-GMF bawlna munte (Yangon, Mandalay, Myintkyina, Taungoo) ah Pasian lamlah bangin kikhop hunsung in piakkhiat ding mipi hanthawn a, 2011 aki pan gamdanghuhna palo in GMF pawipituhun (2014) ciangdong lamdang takin kibawl zo hi.1.Apostolic Team, Gospel Music Festival, Myanmar (2013 – present)- GMF nasepna thapia ding in gamsung leh Asia gamte ah zin kawikawi hi.2.Convener, Music Department, Global Zomi Alliance (GZA), (2010 – 2015)3.Advisor, Cental Zomi Music Uplift Society(ZOMUS), Yangon (2013 – 2015)4.Board member, Operation Mobilization (OM), Myanmar(2013 – present)

Nuntakpih Pasian kammal:Phil. 4:13; Rom 11:36; 1 Khangtangthu 17:16.