Lia Niang Sian Tawi Lun
Tongsial khua Pa Neng Khan Pau (B.A, G.T.I & H.G.P) leh Nu Cing Khawm Nuam (B.A-Hist-Nursing) te sung panin 7.11.1998 in Kalemyo ah suak hi. Unau teng lakah zong a upapen ahi hi. Lia Cin Sian Suum, Lia Man Sian Sung, Tg Suan Sian Mung leh Lia Don Suan Muangte ahi hi. Pasian hehpih na tawh kaneu lai akipan class sungah 1 to 3 ka ngah zel hi.
Kaneu akipan mahin matric ah All-D ngah ding ka lamet na leh ka thunget na hi a, ka lungdam mahmah hi. Kei pilna leh hanciam na bek tawh kangah zawh loh ding lam thei kahih manin Topa mah bel in vai khempeuh ka ap hi. Lungdam kohna:Tuni dong lam honglak hong makaih ih biak Pasian leh ka nu leh ka pa tung ah genzawh loh lungdam na kako nuam hi. Ka neu tung pan lai honghilh sia te tung lungdam ing. Tan 9/10 kakah na Thiha boarder pan siama nu Daw Nang Thida Aung leh sia khempeuh tungah lungdam ing. Thu hongnget sak sanggamte Pawlpi te tungah leh hong lungdam pih khempeuh tungah lungdam kako hi. Topan thupha hong pia kimciat ta hen.
Vaikhak nopna: “Try your best, God will do the rest” hong ci nuam ing. Ih hanciam ding ei vaipuak hi a, gualzawhna hong pia ding pen Topa ahi hi. Haksatna lungkiatna buai na te na tuah khak leh Topa kiang ko in Topa bekin hong huh thei hi. Na sang lai bek mah simin laa, tupna ngimna tawh nasim nak leh nagual zo ding hi.
Mailam ngimna: Ka neu akipan katup leh ka ut penin a lawhcing siavuan hi. Pasian in hong thukimpih leh zato siavuan nasep tawh genthei mizawng te pumpi lungsim lapsang ding leh Pasian lungdam sakin, minam a tawi sang zato siavuan khat hih ding ka lungtup hi. Sangkahna leh Subject mark te: Tan 8 dong Kalemyo ah, tan 9 leh tan 10 BEHS No (1) Dagon Yangon ah kah ingh. Subject zui in ka mark ngah te, Myanmar -75, English -77, Maths -94, Chemistry -91, Physic -96, Biology -93, vekpi gawm 526 ahi hi.Ka Pawlpi Leipi Baptist Church, omna Hermon inn, 76/6 Pinlone, Kalemyo. Sanggamteng: (1) Lia Niang Sian Tawi Lun, MC 1, Yangon, (2) Tg Cin Sian Suum, tan 10, Yangon, (3)Lia Man Sian Sung, tan 9, Yangon, (4) Tg Suan Sian Mung, tan 6, Kalay, (5) Don Suan Muang, KG, Kalay).