Lia Cing Deih Lun
Pimpih khua Pa Lun Za Pau (Naulak) leh Nu Niang Khan Man (Suante) te sung panin 2.1.1999 ni-in yangon ah suak hi. Sanggam Suahpih laizom pasal 1 leh numei 4 lakah a upen ahi hi. Tan lang panin tan sawm dong T.T.C Kamayuat Boarder sawng ah om aa, 2014-2015 sang kum tua sang panin tan 10, All-D tawh zo a, mat gawm vekpi (498) ngah hi. 2014-2015 sangkum Topa maizon na in Full Gospel Bible Trainning Centre ah Laisiangtho sangkah hi. Diploma of Theology ngah hi.
Pahtawina ngahte: Tan khat kumin English, tan 8 kumin subject 5 Distinction, tan 9 kum ciang subject 5 Distinction leh tan 10 kum All-D kangah hi. Ka lunggulh pen subject in maths leh physic ahi hi. Ka neutung akipan tan 10 ciang All-D ngah ding Engineering suak ding cih ka lungtup hi aa, nikhat in sanginn leh tuition banah nikhat nai khat ta lai ka en hi. Laisim kaki pat ding ciang thu kangen masa hi.
Laisiangtho alian khat ta kasim hi. Ka sang lai sangin Pasian pen amasa in ka koih aa, engineer kah ma-in Laisiangtho kah masa ka hi hi.A tawntung a ka bulphuh Laisiangtho munin (Luka 1:37) “Pasian a dingin a piang theilo khat beek omlo hi”. Pasian in ka lunggulhna leh ka thungetna hong dawng aa, ka lungdam lua in Pasian hehpihna kaphat hi. Khangno sangkah laiding te tungah gualzawh nadingin Pasian bek muangin laa, Pasian bek um in. tua ban ah nang mah mah in zong na hih theih tawpin hahkat in cih hong vaikhak nuam ingh. Mailamah Engineer ka ut aa, Pasian hong koih na mun ah kasep theih zah in Pasian a ding in kaki piak sawm hi.
Ka mat ngah te pen Burmese (76), English (77), Maths (81), Chemistry (88), Physic (86), Biology (90) hi. A vekpi gawm 498 ahi hi. Lungdam kohna: I biak Topa Pasian tungah lungdam ko masa ingh. Sangkah na ding leh pilna hong deih sak amau hih theih tawp dong hong panpih ka nu leh ka pa tungah lungdam ko ingh. Deih sak na tawh lai hong hilh ka siate tungah lungdam ko ingh. Sangka kahpih ka lawmte tungah zong lungdam ko ingh. Lei tung mun tuamtuam pan Zomite’n hong lung dampih cih ka zak ciangin lungdam mahmah ingh. Pawlpi tung leh thu hong ngetsak khempeuh tung ah lungdam kong ko hi.