Lia Vung San Lian
Phaiza khua Rev Suan Go Khai (Hatzaw) leh S/m En Ngaih Lun (Tungdim) te sung panin 17.1.2000 in yangon ah suak hi. Sanggam laizom pasal 1 leh numei 4 pha uh hi. 2015-16 sang kum ka sang min SHS No (4) Tamwe myone hi. Ka Pawlpi pen Harvest Christian Centre (AG) Tamwe. Ka omna inn uh No (20) Tadihpathan Street, Tamwe Township,Yangon hi. Subject zui a mark ngah zah teng Myanmar -83, English -78, Mathematics -86, Chemistry -94, Physic -90, Biology -95 hi. Vekpi gawm 526 marks hi. Laivuan zawh akipan All-D ngah dingin bel ki lamen ingh. Ahih hang maths bel lau sim pian ing. Ka siamah ten lai kisuan madeuh in honggen a, ih biak ahoih Pasian tungah lungdam lua ingh.
Kapa kanu, kapi kapu te leh ka innkuan pih khat ciat tungah zong lungdam ingh. Ka neulim a lai honghilh sia/siamah tetung hi taleh thu hongnget sak te khempeuh tungah zong lungdam ingh. Hih gualzawhna pen Pasian minthan nading hita hen. Amen.Sangkah lai khempeuh tungah kong kam vaikhak nopin Pasian mah masak in, amahmah muang tawntung ding hi hang. Anihna ah Ngimna kician (Vision) neiding, ih Ngimna tawh kituak in hanciam ngiat ding, Ngimna om kei leh sepna khat peuh khat veivei ciang a mawkna suak thei hi. Ngimna neih ding mah thupi pen hi.
Sanggam laizomte: (1) Rev Pau Thawn Za Thang + Don Som Kim (2) Lia Don Sian Dim Business Management (3rd Years)(3) Lia Man Sian Kim B.A (Eng) Second Years (4) Lia Vung San Lian All-D (5) Lia Thang Lun Khai Grade IX.Topa’n hong lungkim pih leh siavuan sin in tua tawh Pasian nasep ding lunggulh pen ingh. Ka lungdam. Anu Siamah Lun: Pasian mah muang in. Pasian mah bel in. Pasian tawh kal suan khawm in. Ei’tha tawh bangmah piang zolo hi, ci-in naupangte thapiakna nei ungh. Tua tawh ki zui in Sansan in zong hanciam thei hi. A neu a kipan lai deih lai uk hi. A pa bangin “Lamet om hi, hoih hi, hanciam lai in, han ciam lai in” ci den pahtawi den phat den, thapia den hi. Kei bel khat vei khial leh ” nang a bang ci” ci nuam pahpah thei ingh. Pasian a nasemte a tate hong ompihna hong muh sakna ahih manin lungdam ingh.