Dr Gin Dal Lian (Ph.D)
Pa Thawng Do (Mangvungh-Haokip) leh Nu Vum Huai te sung panin 15.10.1958 ni-in Tonzang khua ah suak hi. Tan lang pan tan 9 dong SHS Tonzang ah kah hi. Tan 9 leh 10 pen Myaung Mya Bible Seminary of the Seventhday Adventist ah kah hi. 1975-79 dong Spicer Memorial College, Poona, Maharashtra India ah Bachelor of Liberal Arts kah hi. Ka Major pen Religious Philosophy hi a, ka minor pen Religious History hi.
1980 kumin Bachelor of Secondary Education ka kah hi.198182 kum sung Pune University ah Archaeology Department ah M.A ka kah hi. 27.6.1982 in Sia Phung Kai tanu, Sia Pau Za Khan nau nu Lia Dim Khan Niang (Niangno) tawh ka kiteeng hi. 1983 kum Mizoram ah Teacher and Evangelist kum khat ka sem a, 1984 kum ciang Ph.D sin dingin Pune University ah kapai kik hi. Ka Thesis “Buddism as Reflected in the Western Cave Incriptions” cih hi a, 1986 kumin ka zo a, degree pen 1987 in hong pia hi.
1989 kum ciang Lamka ah Blue Star Academy kici tan sawm sang khat ka phuan uh a, tuni dong sangnaupang mi 2000 dektak in tan 10 ong khin uh hi. 1992 kumin Zomi English Dictionary bu kabawl a, 2006 kumin The New English Zomi Dictionary & Zomi English Dictionary bu 2000 ki zuak khin hi. Biakna laibu panin “Tuan pupa te leh Kamsang te” thubu zong mangpau pan ka teikhiat ahi hi. 1983-86 kakah sung Mrs Ellen G. White gelh “The Patriarchs and Prophets kici laimai 800 val zong zolai in teikhia hi.
Panmun tuamtuam: (1) Chin Students Association Manipur leh Chin Youth Association Manipur kum 10 vai Advisor. (2) Tedim Union ah 1991-94, 1998-2002 General Secretary hi a, 1994-98 Treasurer. (3) Zomi Christian Literature Society (India) ah 1993-2005 Secretary, 2006 pan Chairman. (4) 19951999 Churachandpur District Private School Association ah General Secretary. (5) 1993-1995, 20052016 Chairman hi. 1998-1999 Zomi Council ah Deputy Speaker. (6) 1999-2000 sung General Secretary len hi. Siamsin Pawlpi, Manipur, Chin Students Association Manipur, Chin Youth Association Manipur te ah Life Member, Patron Member.-2001-2005 sung Leitungbup Seventh Day Adventist Committee sang pan Executive Committee Member ngah a, kum 5 sungin USA ah 6 vei zin hi. 2006 kum March kha bup Maui Island, Hawaii ah Advance Leadership Training kah hi.
Pahtawina: (1) 1997 June 30 ni-in Friendship Forum of India, New Delhi in Bharat Excellent Award. (2) 1998 April 15 ni-in Glory of India Award pahtawina pia leuleu hi. Tate: (1) Tg Do Sian Mang, (2) Tg Kai Sian Khai
