Pu S.B Khual Za Kham
Tedim gam Keltal khua sat Pu SB Suan Zam leh Pi SB Vial Ning te sung pan 3.5.1925 kumin Keltal khua ah suak hi. Sanggam Suahpih giat nei a, tua te in (1) Nu Dem Khua Luan (2) Pa SB Vial Za Thang (3) Pa SB En Za Lang (4) Nu Hoih Za Ciin (5) Pa SB Cin Za Dong (6) Pa SB Khual Za Kham (7) Pa SB Gin Cin Thang (8) Pa SB Vial Za Nang te ahi hi.
1940-1943 kum sung Mandalay, Maymyo khua te ah pilna siamna tuamtuam sin in pai hi. 1944 kumciangin India gam leh Kawlgam kawmin sumbawl hi. 1948 kum ciangin Tedim khuapi ah sum buukpi zuak in teeng uh hi. 22.8.1954 kumin Rev Cin Kho Gin in tuiphum hi. 5.1.1955 kumin Rev SK Cin Pau in Pa Kham Za Kam leh Nu Sawm Cing tanu upen Lia Ciin Khan Vung tawh tapidaw ngeina tawh kiteeng sak hi. 18.2.1956 kumin tanu khat bek ahi Lia Niing Lun Ciin pia hi.
1956 kum ciangin Yangon ah teeng suk a, Zogam bup ah Import and Export Trading Company nei masa pen ahi hi. 1956 kum March kha ciangin Hill Chin & Company Ltd, SB Khual Za Kham & Friends Ltd, phuankhia hi. 1959 kum ciangin Yangon Zomi tuiphum Pawlpi aphuan te lak ah khat ahi hi. 1984 kum ciangin Silver Jubilee pawipi pan khantawn Pawlpi upa zaa kipia hi. 7.2.1961 kumin Zomi Tangko phuankhia hi. Editor zong sempah hi.
Pa En Za Lang leh Nu Niang Go Cing te tapa Tg Neng Hau Kim tawh tanu khat neih Lia Ning Lun Ciin te 27.5.1978 in kiteeng sak uh hi.Topan thupha pia a, anuai aa bang tupa 2 leh tunu 3 hong nei uh hi.(1) Langh Sian Lian Mang, (2) Kham Hau Khup,(3) Vung Deih Kim, (4) Mang Lian Khai,(5) Cing San Lun.
Naseppi: (1) Hill Chin and Company Limitted (1958-64).(2) SB Khual Za Kham and Friends Company Limitted (1958-64).(3) En Za Lang and Company Limitted (1958-64).(4) Editor Zomi Tangko (1961-64).
