Pu En Za Lang
Tedim gam Keeltal khua sat Pu SB Suan Zam leh Pi SB Vial Ning te sung pan 1918 pawl in Keeltal khua ah suak hi. Sanggam Suahpih 8 nei a, tua te in (1) Nu Dem Khaw Luan (2) Pa SB Vial Za Thang (3) Pa SB En Za Lang (4) Nu Hoih Za Ciin (5) Pa SB Cin Za Dong (6) Pa SB Khual Za Kham (7) Pa SB Gin Cin Thang (8) Pa SB Vial Za Mang te ahi hi.Tonzang khua Pu Kham Za Nang (Bawmkhai) leh Pi Man Ciin te tanu Pi Niang Go Cing tawh kiteeng a, Topan thupha pia in tanu tapa tampi tawisak in nulehpa makaih siamna tawh a vekpi in degree ngah a, nasep hoih leh zaa lian vive in om Gamdang vive ah teeng khin uh hi. (1) Rev Zam King Mang (B.Sc) lasak siam hi, USA ah Pastor seem hi.(2) Pa Nang Lian Thang (M.A) Staff Officer Revenue Department, Chairman CNF. (3) Pa Kham Hau Pau Tedim mi avei mahmah khat hi, USA ah teeng hi. (4) Pa Neng Hau Kim + Niing Lun Ciin USA mah ah. Topa thuphate:(1) 1958-64 dong Yangon ah En Za Lang Company Limited nei masa te hi. (2) Tedim ah Taih innpi leh 3 ton Motor khat leh Jeep khat nei masa pawl hi.(3) A tate Japan a omlai in “En Za Lang Scholarship” tawh mizawng te huh hi.(4) Tonzang AG tagah te a ding Willy Jeep khat lei sak hi.(5) Anau pa SB Khual Za Kham tawh kipawl in Yangon ah Company (3) bang nei uh hi.
